Gérmaniyide 5-iyul shéhitlirini eslesh pa'aliyiti ötküzüldi

7-Ayning 3-küni gérmaniyining myunxén shehiride 5-iyul shéhitlirini eslesh we ularning rohigha atap qur'an tilawet qilish pa'aliyiti tesirlik ötküzüldi.
Ixtiyariy muxbirimiz ekrem
2011-07-04
Share
shehitlerni-aslesh-germaniye-305.jpg Myunxénda ötküzülgen 5-iyul shéhitlirini eslesh we ularning rohigha atap qur'an tilawet qilish pa'aliyitidin körünüsh. 2011-Yili 3-iyul.
RFA/Ekrem

5-Iyul shéhitlirini eslesh we ularning rohigha atap qur'an tilawet qilish pa'aliyitini gérmaniye chonglar meshripi orunlashturghan bolup, pa'aliyetke köpligen er-ayallar we balilar qatnashti. Bu pa'aliyet “ Bir dunya öyi ” namliq xelq'ara teshkilatlar merkizining pa'aliyet zaligha orunlashturulghan idi. Shéhitler rohigha atap 30 pare qur'anni toluq oqup tamamlighan diniy ziyaliylar bu eslesh murasimining muqeddimisini xetme bilen bashlidi.

Xetme axirlashqandin kéyin, d u q diniy ishlar komitétining mudiri turghunjan alawudun hajim shéhitler rohigha atap du'a qildi. Du'adin kéyin bu murasimgha riyasetchilik qilghan gérmaniye chonglar meshripining ezasi, Uyghur ziyaliysi perhat muhemmidi ependi bu qétimqi pa'aliyet heqqide qisqiche melumat bérip ötkendin kéyin, d u q mu'awin re'isi esqerjan ependini sözge teklip qildi. Esqerjan ependi 5-iyul qanliq qirghinchiliqi heqqide tepsiliy melumat bérip, axirida bu sorunni uyushturghan chonglar meshripi ehlige bolghan teshekkürlirini bildürdi.

Bu qétimqi murasimda yene d u q bash katipi dolqun eysa ependi söz élip, 5-iyul weqesining jeryanini we xitayning weten ichi-sirtida bu weqeni qarilash yolida oynighan oyunlirini, 7-iyul ayallar namayishining xitayning hile-mikirlirini yer bilen yeksan qilip tashlighanliqini chüshendürdi. Sabiq sherqiy türkistan-Uyghuristan milliy qurultiyining re'isi, gérmaniyidiki Uyghurlarning aqsaqalliridin enwerjan ependi söz nöwitide wetendiki xelqning jasaretlirige bolghan qayilliqi we hörmitini bildürdi. Gérmaniye yashlar meshripi xadimi abdujélil qarihajim axirida söz élip, shéhitlikning allaning hozuridiki mertiwisi we uning weten-millet istiqlaliyiti yolidiki roli toghrisida qisqiche tepsir qilip ötti. Bu murasimda yene 5-iyul we 7-iyul künliri gérmaniyide ötküzülidighan namayishlargha seperwerlik qilish chaqiriqliri otturigha qoyuldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet