Erkin ekrem : sherqi türkistan küchliri sherqi türkistanning tinchliqigha emes, xitay hakimiyitige tehdit

Süret, dr. Erkin ekremning muxbirimizning ziyaritini qobul qiliwatqan körünüshi.

Shinxu'aning xewiride bayan qilinishiche, u yene xitayning térrorluqning ziyankeshlikige uchrighan bir dölet ikenlikini tilgha élip, sherqi türkistan küchliriningmu xelq'ara térrorluqqa qarshi küreshte jazalinishi kéreklikini otturigha qoyghan.

Bügün, Uyghur mutexessis erkin ekrem radi'omizning ziyaritini qobul qilip, richard barrétning sözliri heqqide pikir bayan qildi.

U aldi bilen, xitayning xewiride richard barrétning sözlirining ikki nuqtida burmilan'ghanliqini körsetti. Richard barrét esli sözide sherqi türkistan küchlirige zerbe bérishni meqset qilghan emes, belki, xitayni xelq'ara térrorchiliqqa qarshi küreshte natogha hemkarlishishqa chaqirghan.

B d t aliy komisari esli sözide peqet sherqi türkistan islam herikiti teshkilatini tilgha alghan؛ hergiz barliq sherqi türkistan küchlirini tilgha alghan emes.

Sherqi türkistan islam herikiti teshkilatining mewjut yaki mewjut emesliki, uning elqa'ide we taliban bilen munasiwiti bar yaki yoqluqi, bar bolghan teqdirde uning heriketlirining térrorluq sanilidighan - sanalmaydighanliqi yillardin béri talash - tartish qilinip kelmekte.

Xitay yillardin béri sherqi türkistan küchlirining Uyghur rayonining tinchliqigha tehdit ikenlikini bildürmekte. Uyghur pa'aliyetchiliri bolsa, sherqi türkistanda tinchliqning alliqachan buzulup bolghanliqini, sherqi türkistan musteqilliq kürishining, emeliyette rayonda tinchliqni eslige keltürüsh herikiti ikenlikini bayan qilmaqta.

Mutexessis erkin ekrem, b d t aliy komisarining tinchliqqa tehdit sözini namuwapiq dep qaraydu. Erkin ekremning qarishiche, sherqi türkistan küchlirini eger tehdit déyishke toghra kelse, xitay hakimiyitige we xitayning kélechikige tehdit déyilishi kérek. Uni rayonning tinchliqigha tehdit diyishke toghra kelse, aldi bilen rayonning tinchliqini xitayning buzghanliqi unutulmasliqi kérek.

Mutexessis erkin ekrem sözining axirida, b d t aliy komisarining sözlirining nöwettiki weziyette ri'al bir ehmiyetke ige sözler emeslikini, bu sözlerning peqet xitay metbu'ati teripidin burmilinip, Uyghur xelqighe tehdit sélish üchün qollinilghanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.