"Шәрқий түркистан тарихи" ниң әрәбчә тәрҗимиси нәширдин чиқти

Йеқинда сәуди әрәбистанида, муһәммәд әмин буғраниң " шәрқий түркистан тарихи" ниң әрәбчә тәрҗимиси нәширдин чиқти.
Мухбиримиз өмәрҗан тохти
2008.09.24
sherqiy-turkistan-305.jpg " Шәрқий түркистан" намлиқ бу әсәрниң түркчә тәрҗимисиниң муқависи.
RFA Archive

Бу әсәрни мәккә мукәррәмә шәһиридә турушлуқ тонулған алим вә язғучи муһәммәд қасим һаҗим тәрҗимә қилип, нәширгә тәйярлап, өз хираҗити билән бастурған. Муһәммәд қасим һаҗим бу һәқтә сөһбитимизни қобул қилған иди.

Муһәммәд қасим һаҗим билән сөһбәт

Муһәммәд қасим һаҗим бу әсәрни тәрҗимә қилишқа түрткә болған сәвәбләр һәққидә тохтулуп мундақ диди: " 1985 - йиллири сәуди әрәбистаниниң қрал абдуләзиз университетида оқуватқан бир қанчә нәпәр оқуғучи мәндин " шәрқий түркистан тарихи" ни әрәб тилиға тәрҗимә қилишни тәләп қилди. Уларға бу ишни әмәлгә ашуралишим үчүн өзүмгә ишәнч қилалмайватқанлиқимни, һәр һалда ойлунуп беқишим керәкликини ейтқан идим. Кейинчә мәрһум доктор абдулқадир таш башчилиқидики уйғур зиялилири йәнә бу мавзуни ачти вә мениң бу әсәрни чоқум тәрҗимә қилишим керәкликини өтүнүп, "биз ана вәтәнниң сиртида туғулғанлар уйғур тилини қанчә тиришсақму силидәк биләлмәймиз, шуңа бу вәзипини силидәк ана тилни яхши билидиған кишиләр үстигә елиши керәк" диди. Шуниңдин кейин мән бу китабни тәрҗимә қилишқа бәл бағлидим. Шундақ қилип бу китабни сәккиз айда тәрҗимә қилип болған идим. Китабни рухситини елип болған болсамму иқтисадий сәвәбләр түпәйли вақтида бастуралмиған идим. Әмди мана бу китабни 500 нусха бастурдум"

 Бу китабни тонуштуруш

" Шәрқий түркистан" намлиқ бу әсәр 1998 - йили әрәб тилиға тәрҗимә қилинип болған болсиму, һәр хил сәвәбләр түпәйли тәрҗимә қилинип сақ 10 йилдин кейин нәшир қилинип тарқитилған. Китаб сәуди әрәбистани һөкүмитиниң мәхсус рухсити билән һөкүмәт мәтбәәсидә бесилған. Китабниң һәҗми 950 бәт болуп, наһайити есил қәғәзгә бесилған. Китаб муһәммәд қасим һаҗимниң өз хираҗити билән бесилип һәқсиз тарқитилмақта.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.