"Sherqiy türkistan heqqidiki tetqiqat we maqaliler" namliq kitab neshrdin chiqti

Yéqinda misirliq sherqiy türkistan mesilisi mutexessisi doktor izziddin werdaniyning "Sherqiy türkistan heqqidiki tetqiqat we maqaliler" namliq esiri qahire shehiride neshrdin chiqti.
Ixtiyari muxbirimiz ömerjan
2012-03-30
Élxet
Pikir
Share
Print
"Sherqiy türkistan heqqidiki tetqiqat we maqaliler" namliq kitabning muqawisi
"Sherqiy türkistan heqqidiki tetqiqat we maqaliler" namliq kitabning muqawisi
RFA

Doktor izziddin werdaniy özining magistirliq we doktorliq ilmiy maqalilirini Uyghurlar we Uyghurlarning ana yurti heqqide yézip tamamlighan bolup, uzun yillardin biri bu toghriliq köpligen ilmiy maqalilerni yézip, ereb dunyasigha Uyghurlarni tonushturghan.

Doktor izziddin werdaniy Uyghurlar we Uyghur éli toghriliq yazghan eserliri bilen ereb oqurmenlerge tonushluq shexsiyet bolup, uning eng meshhur eserliridin biri"Sherqiy türkistan we xitay"dégen esiridur.

Kitabning tonushturulushi

"Sherqiy türkistan heqqidiki tetqiqat we maqaliler" namliq kitab 350 betlik, chong hejimlik kitab bolup, kichik mawzularni hésabqa almighanda kitab chong 10 - bölümdin tüzülgen. Kitab Uyghurlarning ana yurti bolghan Uyghur éli, uzun tarixlardin biri dawam qilip kelgen Uyghur xitay sürkilishliri, Uyghurlarning hazirqi ehwali, Uyghurlarning islam medeniyet xezinisige qoshqan untulmas töhpiliri, Uyghur élining islam dunyasidiki orni, Uyghurlarning asasliq arzu - armanliri we omumiy muddi'asi, 5 - iyul weqesining chiqishigha türtke bolghan asasliq sewebler, islam ellirining Uyghur mesilisige tutqan mewqesi, islam hemkarliq teshkilatining Uyghur musulmanlarni qoghdash lazimliqi heqqide chiqarghan qararliri qatarliqlarni öz ichige alghan.

Bu kitab asasen, maqaliler toplimi bolup, Uyghurlar we Uyghur éli toghriliq ilmiy maqalilerni yazghan meshhur yazghuchilardin fehmi huweydi, fatime menufi, raghib serjani, majide mexlut, ekrem hijazi, ibrahim beyyumi, toxti axun erkin, ehmed ebuzeyd, muhemmed bedewi, hesen ebu talib, eli telqani, sherqawi qatarliqlarning maqalilirini öz ichige alghan. Uyghurlarning resilmiri we Uyghur élining bezi körünüshliri munasiwetlik jaylargha qoyulghan. Kitabtiki maqalilerde sözlen'gen weqeliklerning hemmisi menbeliri bilen éniq bérilgen.

Toluq bet