4 - Nöwetlik dunya sherqiy türkistanliqlar qérindashliq uchrishish yighinining teyyarliq xizmetliri dawam qilmaqta

2012 - Yili 6 - ayning 23 - küni sherqiy türkistan ma'arip we hemkarliq jem'iyitining merkizide, 4 - nöwetlik dunya sherqiy türkistanliqlar uchrishish yighinining teyyarliq basquchliri toghrisida yighin ötküzüldi. Bu yighin'gha sherqiy türksitan ma'arip we hemkarliq jem'iyitining idare hey'et mes'ulliri, sefaköy, zeytinburnu shöbe mes'ulliri qatnashti.

Yighinda asasliq bu qétimqi dunya sherqiy türkistanlqlar qérindashliq uchrishishi yighinining asasiy meqsiti, yighinining mezmuni, yighinda otturigha qoyulidighan témilar, yighinning teyyarliq basquchlirini qandaq élip bérish dégen'ge oxshash mezmunlarda toxtaldi.

Yighinda aldi bilen sherqiy türkistan ma'arip we hemkarliq jemyitining bash teptishi abdulhekimxan mexsum söz qilip, bu qétimqi yighinni muweppeqiyetlik ötküzüsh üchün xizmet pa'aliyetlerda ortaq hemkarlishish, öz - ara xizmetlerde bir birige maslishish xizmetlerni ilgiri sürüsh we tereqqi qildurush mes'uliyetchanliq his - tuyghusini ashurush kérekliki toghrisida toxtaldi.

Dunya sherqiy türkistanliqlar qérindashliq uchrishish yighini qachan? qeyerde? ötküzülidu? bu yighinning teyyarliq basquchliri qandaq? bu qétimqi yighinda qandaq mesililer otturigha qoyulidu? yeni néme mezmunda toxtalmaqchi? bu yighinning asasiy meqsiti néme? yeni néme meqsette uyushturulmaqchi? bu so'allarning jawabigha érishish üchün biz, sherqiy türkistan ma'arip we hemkarliq jem'iyitining bash katipi abdul'ehed abduraxman ependi bilen söhbet élip barduq.