Shwétsiyidiki parlamént saylimida Uyghurlarmu awaz berdi

Shwétsiye saylam qanuni boyiche her 4 yilda bir qétim parlamént saylimi élip bérilidighan bolup, saylam küni séntebirning üchinchi yekshenbisi qilip békitilgen. 19 - Chésila yekshenbe küni, shwétsiyide parlamént saylimi ötküzüldi. Saylamda Uyghurlarmu awaz berdi.
Muxbirimiz yalqun
2010-09-22
Élxet
Pikir
Share
Print
Süret, 3 -séntebir, shwétsiye uyghur komitéti 10 kishilik bir guruppa teshkillep, shwétsiye parlaméntidiki uyghurlarni 10 yildin béri qollap kéliwatqan Annelie Enochson xanimning saylam rayonigha bérip, uning saylam teshwiqat paaliyetlirige hemkarlashqan körünüshlerdin biri.
Süret, 3 -séntebir, shwétsiye uyghur komitéti 10 kishilik bir guruppa teshkillep, shwétsiye parlaméntidiki uyghurlarni 10 yildin béri qollap kéliwatqan Annelie Enochson xanimning saylam rayonigha bérip, uning saylam teshwiqat paaliyetlirige hemkarlashqan körünüshlerdin biri.
RFA Photo / Shohret Hoshur

Shwétsiyide yashawatqan Uyghurlarning sani shwétsiye parlamént saylimigha tesir körsetküdek köp emes.  Halbuki, bu qétimqi saylamda Uyghurlargha nisbeten bir yéngiliq shuki, yüzligen Uyghurlar awaz bérish salahiyitini hazirlighandin sirt, parlaménttiki Uyghur mesilisige qiziqidighan we Uyghurlargha izchil köngül bölüp kéliwatqan bir qisim partiyilerning hemkarlishish obyékti bolup qaldi.

Uyghur wekilliri saylam harpisidiki partiyilerning hemkarliq yighinlirigha qatnashti, teshwiqat xizmetlirige yardemde boldi.

Shwétsiye parlaméntigha 349 orun tesis qilin'ghan bolup, bu orunni saylamgha qatnishish qanuniy salahiyitige érishken partiyiler saylam arqiliq talishidu. Aldinqi qétimliq parlamént saylimida bu orunni shwétsiyidiki 7 partiye igiligen. Bularning arisidiki mudratérlar dep atalghan partiye hökümet teshkilleshke muyesser bolup, shwétsiyide 100 yildin  buyan hökümetni kontrol qilip kéliwatqan sotsiyal démokratlar partiyisining hakimiyitige xatime bergen idi.

Bu qétimliq parlamént saylimida  parlaménttiki bu 349 orunni 8partiye igiligen bolup, héchqaysi partiye öz aldigha musteqil hökümet teshkillesh salahiyitige érishelmigen. Emma shwétsiyidiki radikal milletchiler dep qarilip kéliwatqan shwétsiye démokratchiliri namidiki partiyining bu qétimqi saylamda parlaménttiki 20 orun'gha ige bolushi bu qétimqi saylamning eng qiziq noxtisigha aylandi.

Düshenbe küni, shwétsiyining stokholm, yötéboriy, malmö qatarliq chong sheherliride onminglighan kishiler namayish uyushturup, shwétsiye milletchiliri dep qariliwatqan shwétsiye démokratchilirining hökümet terkibige kirishige qarishi turdi.

1991 - Yili"yéngi démokratchilar" namidiki milletchi partiye köchmenlerge qarshi awaz bilen daghdughiliq halda parlaméntqa kirip,  3 yildin kiyin  parlaménttin chüshüp qalghan, hetta partiye bolush salahiyitidin ayrilip, yoqalghan idi.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet