Shwétsiyede xitay hökümitige qarshi yene namayish élip bérildi

Süret, shwétsiye uyghur maarip uyushmisi we "shwétsiye türk jemiyetliri memliketlik birleshmisi" ning birlikte uyushturushi bilen stokholimning merkizi meydanlirining biri bolghan puqralar meydanida xitay hökümitige qarshi élip bérilghan naraziliq namayishidin bir körünüsh.

Namayishqa shwétsiyede yashawatqan Uyghurlardin sirt "shwétsiye türk jem'iyetliri memliketlik birleshmisi", "ezerbeyjan musawat partiyisining stokholim shöbisi", "ezerbeyjan dunya qurultiyi", "ezerbeyjan shwétsiye memliketlik birliki", "ezerbeyjan azadliq munbiri", "shwétsiye qarabagh medeniyet merkizi", "xitaydiki insan heqlirige yardem bérish jem'iyiti", "we " shwétsiye yéshillar partiyisi" qatarliq teshkilatlarning wekilliri we bir qisim özbék siyasi pa'aliyetchiliri ishtirak qildi.

Namayish jeryanida herqaysi jem'iyetning wekilliri sözge chiqip xitay hökümitining Uyghurlar üstidin élip bériwatqan milliy kemsitish siyasitini qattiq tenqidlesh bilen birge Uyghurlargha bolghan hésdashliqini bildürdi. Ular sözliride tarixtin buyan qan - qérindash bolup yashap kiliwatqan türki xelqler héchbir zaman bir - birining béshigha kelgen külpetlerge qol - qoyushturup qarap turalmaydighanliqlirini bildürüshti.

Yuqiridiki awaz ulinishidin, bu heqtiki melumatimizning tepsilatini anglaysiler.