Шветсийидики йәнә бир хитай җасус гумандари һәққидә учур вә инкаслар

Сүрәттә, җасус гумандари бабур мәхсутниң 2009 - йили май ейида вашингтонда ечилған д у қ ниң йиғини җәрйанида өткүзүлгән хитай әлчиханиси алдидики намйишқа қатнишиватқан күрүнүш болуп, җасус гумандари бабур мәхсут оңдин иккинчи киши.

Шветсийә уйғур комитетиниң башлиғи маһинур һәсәнова ханим, өзлириниңму вәқәни мәтбуаттин аңлиғанлиқини, хәвәрләрдә гумандарниң милләт тәвәлики билдүрүлмигәнликини баян қилди.

Шветсийә уйғур комитети хәвәрни аңлиғандин кейин, тәшкилатниң даимий комитет әзалири арисида дәрһал телефон йиғини ечип вәқәни музакирә қилған, музакиридин кейин гумандарниң кимлики һәққидә җамаәт ичидә сүрүштә елип барған. Әмма хәвәрдә билдүрүлгән яш даириси вә адриста, бирәр уйғурниң барлиқини байқимиған.

Маһинур ханим өткән қетим хитай җасуси бабур мәхсутниң сотида сотчиниң мәзкур делониң четилиш даирисиниң кәң бир дело икәнликини билдүргәнликини, шуңа бу қетимқи гумандарниңму шу бабур мәхсут делосиға четишлиқ бир киши болуши мумкинлики һәққидә пәризини баян қилип өтти.

Дуня уйғур қурултийиниң баянатчиси дилшат ришит, буниңдин җамаәтчиликниң җасуслуқ һәққидә гуманлири вә бу һәқтә пакитлири болса дәрһал өзи туруватқан дөләтниң қанун органлириға мәлум қилиши керәкликини; шундақ болғанда мәсилиниң толуқ вә тоғра һәл болидиғанлиқини, буниң билән биллә узара гуман вә иттипақсизлиқтин сақланғили болидиғанлиқини билдүрди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар