Shwétsiye Uyghur komitétining 6-qétimliq saylimi bolup ötti

Shwétsiye Uyghur komitéti shwétsiyidiki Uyghurlarni asas qilip qurulghan, dunya Uyghur qurultiyigha eza teshkilatlarning béri bolup, jem'iyetning nizamnamiside her ikki yilda bir qétim saylam élip bérish belgilen'gen. Saylam komitéti bir ay ilgiri herqaysi alaqe wasitiliri arqiliq shwétsiyidiki Uyghurlargha saylam heqqide uchur tarqitip, shwétsiye Uyghur komitétigha re'is bolushni xalighuchilarning özini namzat körsitishini teshebbus qilghan idi.

Saylam belgilen'gen waqitta, démokratik usulda nahayiti tertiplik élip bérildi. Aldi bilen shwétsiyidiki Uyghurlarning yigit béshi, jama'etning chongi faruq ependi sözge chiqip, saylam élip bérishining muhimliqi we néme üchün saylam élip bérilidighanliqini chüshendürdi. Uningdin kéyin jem'iyetning burunqi re'isi aldinqi qétimliq wezipe ötigen mezgilidiki xizmetliridin doklat berdi. Saylam tertipige asasen yéngidin saylan'ghan re'is abdushükür samsaq özi heqqide qisqiche melumat berdi we kelgüsi xizmetliri heqqide toxtaldi.

Saylamning ghelibilik bolghanliqidin tesirlen'gen bir Uyghur momay otturigha chiqip yéngidin saylan'ghan re'iske doppa kiydürdi we özining hayajanliq héssiyatini izhar qildi.

Shwétsiye Uyghur komitéti 2003-yili merhum küresh kösenning teshebbusi we teshkillishi bilen qurulghan teshkilat bolup, shundin béri shwétsiyide pa'aliyet qilip kelmekte.