Shwétsiyidiki Uyghurlar bir yerge jem bolup héyt namizini oqudi we héyt pa'aliyiti ötküzdi
Ixtiyariy muxbirimiz yalqun
2011.08.31
2011.08.31
Bu yilmu shwétsiyidiki Uyghurlar Uyghur ma'arip uyushmisining teshkillishi bilen bu yilliq rozi héyt namizini bir yerge yighilip oqup, héyt xushalliqidin ortaq behrimen boldi. Héyt namizigha Uyghur ma'arip uyushmisining diniy ishlar mes'uli ömer qarim imamliq qildi. Namazdin kiyin Uyghurche uqulghan du'a namazxanlarni cheksiz hayajan'gha saldi.
Kechte yene Uyghur ma'arip uyushmisining orunlashturushi bilen kechlik héyt pa'aliyiti élip bérildi. Bu héyt pa'aliyiti asasen balilarni meqset qilip orunlashturulghan bolup, Uyghur ma'arip uyushmisining qarmiqidiki ana til mektipi oqughuchilirining orunlishi bilen her xil mezmundiki iqtidar ipadilesh maharetliri körsitildi.