Rabiye qadirxanim bashchiliqidiki dunya Uyghur qurultiyi wekiller ömiki shwétsiyide ziyarette boldi

Rabiye qadir xanim bashchiliqidiki dunya Uyghur qurultiyining wekiller ömiki yawropa ziyaritining 4-békiti bolghan shwétsiyige 1-ayning 30-küni seherde yitip kelgen idi.
Ixtiyariy muxbirimiz yalqun
2011-01-31
Share
Rabiye-xanim-Yawropa-parlamentida-sozde-305.jpg Süret, 2009 - yili 1 - séntebir küni, rabiye qadir xanim yawropa parlaméntining bruyussélsdiki bash shitabida yawropa parlaméntigha 5 - iyul weqesi toghrisida guwahliq bériwatqan körünüshliridin biri.
AFP Photo

Ular shu küni chüshtin burun shwétsiye parlaméntida qurulghan "Shwétsiye parlaménti Uyghur dostluq guruppisi " ning teklipi bilen shwétsiye parlaméntida söhbette boldi. Söhbette bu guruppining mes'ulliridin biri bolghan memet qaplan ependi dostluq guruppisining qurulghandin buyan ishligen xizmetliri we kelgüsi pilanlirini tonushturdi. Rabiye qadir xanim bolsa, Uyghur dewasining hazirqi weziyiti we dostluq guruppisidin kütidighan ümidlirini tonushturdi. Uchrishishtin kiyin, rabiye qadir xanim shwétsiye parlaméntini ziyaret qildi.

Chüshtin kéyin, shwétsiye Uyghur komitétining ikki yilda bir qétim élip bérilidighan saylimi bolup ötti we jem'iyetning yéngi rehberlik apparatliri saylap chiqildi. Saylamdin kéyin rabiye qadir xanim bashchiliqidiki wekiller ömiki körüshüshke kelgen Uyghur jama'itining qizghin chawakliri we merhum küresh küsen ijrasidiki "Rabiye ana" dégen naxshining sadasi ichide zalgha kirip keldi.

Zaldiki Uyghur jama'iti orunliridin turushup qizghin chawakliri bilen kütüwaldi. Rabiye qadir xanim dunya Uyghur qurultiyining 6 yildin biri ishligen xizmetliri we qolgha keltürgen netijilirini tonushturdi. Axirida dunya Uyghur qurultiyining mu'awin re'isi séyit tumtürk ependi bezi muhim mesililer heqqide söz qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet