Shwétsiye memliketlik islam dini jemi'iytining islam mesililiri yighinida Uyghur mesilisi tonushturulmaqchi

Shwétche chiqidighan “Shiwétsiye memliketlik islam dini jem'iyti” ning tor bétidin melum bolushche, shwétsiye memliketlik islam dini jem'iytining 32 - qétimliq islam mesililiri yighini - 12yning - 23künidin - 25künigiche stokholimda échilidighan bolup, bu yighinda Uyghur mesilisi tonushturulmaqchi.
Ixtiyariy muxbirimiz yalqun
2012.12.21
dolqun-eysa-shwitsiye-dokilat-305.png Dunya Uyghur qurultiyi ijra'iye komitétining re'isi dolqun eysa ependi dokilat bermekte
RFA/Yalqun


Shiwétsiye memliketlik islam dini jem'iyti shimaliy yawrupadiki kölimi birqeder zor bolghan, nami bar jemi'iyetlerning biri bolup, 32 yildin biri yilda bir qétim stokholimda islam mesililiri boyiche yighin chaqirip, islam dunyasi duch kiliwatqan qiyin mesililerni muzakire qilip kelmekte.

Her yilliq yighinda dunyaning herqaysi jayliridin teklip qilin'ghan közge körün'gen islam dini alimliri we mutexessisliri sözge chiqip, léksiyeler oquydu we muhim mesi'ililer heqqide neq meydan munaziriliri élip baridu.

Shwétsiye Uyghur ma'arip uyushmisi bu yighin'gha 6 yildin biri izchil teklip bilen qatniship kéliwatqan birdin - bir Uyghur teshkilati bolup, her yilliq yighinda Uyghur mesilisini islam dunyasigha anglitish pursitige irishp kelmekte.

Biz yighin échilish harpisida, shwétsiye Uyghur ma'arip uyushmisining bu yilliq yighin üchün qandaq teyyarliq xizmetlerni ishiligenlikini bilip béqish üchün uyushmining mes'ulliridin biri bolghan abdullahni ziyaret qilduq.

Abdullahning bildürüshche, ular yighin mezgilide shimaliy yawrupada yashawatqan Uyghur diniy ziyaliylirini asas qilip turup, dunyaning herqaysi jayliridin shwétsiyige kélish imkani bolghan diniy ziyaliylar bilen birlikte bash qoshup, Uyghur mesilisini ereb tilliq xelqler arisida, jümlidin islam dinigha étiqad qilidighan xelqler arisida qandaq tonushturush mesilisi we yawrupada yashawatqan uyghular duch kéliwatqan diniy mesililer heqqide muzakiriler élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.