Stokholimda élip bérilghan ilmiy muhakime yighinida Uyghur mesilisi muzakire qilindi
2010.12.27

Yighin'gha shimaliy yawropada yashawatqan musulmanlar hemde misir,küweyt, süriye, en'gliye, awstraliye we bashqa yawropa döletliridin bir qisim diniy alimlar we mutexessisler teklip qilin'ghan bolup, Uyghurlargha wakaliten awstraliyidin diniy zat abdusalam qarim teklip qilin'ghan.
Uyghurlar ötken yildin bashlap bu yighinda Uyghur mesilisi boyiche pikir bayan qilish hoquqigha érishken bolup, bu yil Uyghur mesilisi yighinning resmiy muhakime türige kirgüzülgen. Yighinning kün tertipi boyiche, Uyghurlargha bir sa'etlik waqit ajritilghan bolup, abdusalam qarim Uyghur mesilisi boyiche ereb tilida doklat berdi we sherqi türkistan heqqide teyyarlighan filimni körsetti.
Uningdin kéyin sözge chiqqan qahire uniwérsitétining léktori doktor raghép el sarjaniy Uyghurlar heqqide esletme berdi we Uyghurlargha yardem bérishning 11 türlük teshebbusini otturigha qoydi.
Abdusalam qarim pa'aliyet dawamida ziyaritimizni qobul qilip sorighan so'allirimizgha jawab berdi. Bu qétimqi yighin'gha jem'iy 2500 din 3000 ghiche adem qatnashqan bolup, Uyghurlardinmu türkiye, gollandiye, norwégiye, finlandiyidin kelgen Uyghurlar bolup 100ge yéqin Uyghur qatnashqan.
Yighinning rehberlik hey'iti körgezme we teshwiqat zalidin Uyghurlar üchün heqsiz orun we mexsus yighin zali ajritip bergen bolup, bu Uyghurlarning özini tonushturushi we öz - ara pikir almashturushi üchün yaxshi purset yaritip bergen.