' Sürgün we ölüm ' namliq 9 qisimliq téléwiziye filimning sherqiy türkistan qismi körsitildi

2009 ‏ - Yili 3 ‏ - ayning 25 ‏ - küni istanbul shehri zeytinburnu rayonluq hökümet idarisining medeniyet we sen'et yighin zalida "sürgün we ölüm" namliq 9 qisimliq téléwiziye filimning "sherqiy türkistan" qismi körsitildi.
Muxbirimiz arslan
2009-03-26
Share
Surgun-we-olum-305 2009 ‏ - Yili 3 ‏ - ayning 25 ‏ - künidiki "sürgün we ölüm" namliq 9 qisimliq téléwiziye filimning "sherqiy türkistan" qismi körsitilgen istanbul shehri zeytinburnu rayonluq hökümet idarisining medeniyet we senet yighin zaligha filimni körüsh üchün tolghan ammidin bir körünüsh.
RFA Photo / Arslan

Bu filimni körüshke peqet Uyghur ‏ - qazaqlar dewet qilin'ghan bolup, filimni körüshke istanbul shehirining her qaysi rayonlirida yashawatqan Uyghur - qazaqlardin köp sanda kishi ishtirak qildi.

Filim bashlinishtin ilgiri filim heqqide qisqa waqitliq murasim ötküzülgen bolup, murasimda zeytinburnu rayonluq sheher bashliqi murad aydin, zeytinburnu rayonluq hökümet mejlis ezasi ilyas saka we sherqiy türkistan ammiwi teshkilatlarning mes'ulliri söz qildi. Murasimda yene sherqiy türkistan ammiwi teshkilatlarning namida, bu filimning ishlinishige alahide köngül bölüp maddi we meniwi jehettin hemkarliship yardem qilghan zeytinburnu rayonluq sheher bashliqi murad aydin'gha teshekkür bildürüp sherep taxtisi teqdim qildi.

Bu filimge exmet oqur isimlik shexs réjissorluq qilghan bolup, 9 qisimdin terkip tapqan bu filimning 7 ‏ - qisimi mexsus xitay zulmidin qéchip sherqiy türkistandin hijret qilghan shexslerning türkiyige köchüp kélish seper jeryanidiki échinishliq ehwali, chégridin ötüsh jeryanida xitay eskerlirining tosqunliqigha uchrap béshidin ötken éghir külpetliri, tagh ‏ - dawanlarni éshishta tartqan japa ‏ - mushaqetliri teswirlen'gen.

9 Qisimliq bu téléwiziye filimi tarixiy xaraktérlik bolup, 20 ‏ - esirning 30 we 48 ‏ - yillar arisida dunyaning her qaysi jayliridiki 9 dölettin türkiyige köchüp kélip olturaqlashqan türk xelqlerning köchüsh jeryanidiki béshidin ötken échinishliq ehwalliri teswirlen'gen. Bu filim zeytinburnu rayonluq hökümet idarisi teripidin ishlen'gen bolup pütkül chiqimlarni rayonluq hökümet idarisi testiqlighan.

Filimning muqeddimisi mundaq bashlan'ghan: hemmeylen'ge melum bolghinidek büyük türkistanning bir parchisi bolghan sherqiy türkistan 250 yildin biri xitay ishghali astida, wetinimizni ishghal astidin qutuldurush üchün ejdadlirimizning élip barghan mujadiliri netijiside u yerde ikki qétim dölet qurduq, emma epsuslinarliq bilen bu döletlerning ömri uzun bolmidi.

Bu filimde 130 kishi rol alghan bolup, üch yil tiriship ishlesh netijide 2008 ‏ - yili 2 ‏ - ayda resmi ishlinip bolghan, ötken yili 2 ‏ - ayda bu filimning muweppeqiyetlik ishlinip chiqqanliqini tebriklep istanbulning taksim rayonigha jaylash lutfi kirdar zalida, türkiye medeniyet we sayahet ministiri ertughul saghlamning ishtirak qilishi bilen tebriklesh murasimi ötküzülgen idi. Bu filim ötken yili türkiyidiki qanal 7 téléwiziyiside bir qétim tarqitilghan.

Biz bu filimni körgen bir qisim Uyghurlar bilen u filim heqqide söhbet élip barduq.

Yuqiridiki awaz ulinishidin, bu heqtiki söhbet xatirimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet