Türkiyining höriyet gézitide “Uyghurlar süriyide urushqa qatnishiwatidu” serlewhilik xewer élan qilindi

Xitayning milletchi gézitliridin biri bolghan yer shari waqti gézitide élan qilin'ghan bir xewerde Uyghurlarning süriyide urushqa qatnishiwatqanliqi ilgiri sürülgen.
Ixtiyariy muxbirimiz erkin tarim
2012.10.29
hurriyet-gezitida-uyghurlar-suriyede-305.jpg Türkiyining höriyet gézitide élan qilin'ghan “Uyghurlar süriyide urushqa qatnishiwatidu” serlewhilik xewer. 2012-Yili öktebir.
RFA/Erkin Tarim

Yer shari waqti gézitide “Sherqiy türkistan térror teshkilatliri rehberlirining  teshkilat ezalirini jihat qilish üchün süriyige elqa'ide térror teshkilatining yolyoruqigha bina'en ewetiliwatqanliqi” ilgiri sürülgen.

Höriyette élan qilin'ghan bu xewerde, yer shari waqti gézitige bayanat bergen xitay rehberlirining 5-aydin béri Uyghur térrorchilarning süriyige ewetiliwatqanliqi, bularning elqa'ide teshkilati bilen munasiwiti barliqini ilgiri sürgenliki bayan qilin'ghan. Ismini ashkarilimighan bir xitay rehber,  bu teshkilatlarning zeherlik chékimlik, bulangchiliq, qoral-yaraq etkeschiliki we insanlarni görüge élishqa oxshash ishlar bilen iqtisadini qamdap kéliwatqanliqini ilgiri sürgen.

Süriyining béyjingda turushluq elchisi bu heqte türkiyini eyiblidi

Xitayning resmiy axbarat organliridin biri bolghan yer shari waqti gézitining so'allirigha jawab bergen süriyining béyjingda turushluq bash elchisi imad mustafa, Uyghurlarning süriyide urushqa qatnishiwatqanliqi heqqide qolida ispat yoqluqini, eger bu  toghra bolsa, ejeplen'gili bolmaydighanliqini ilgiri sürgen.

Imad mustafa, iraq we liwiyilik esebiy küchlerning türkiye chégrasidin süriyige kirip urushqa qatnishiwatqanliqini ilgiri sürüp türkiyini eyibligen.

Gézitke bayanat bergen türkiyining béyjingda turushluq bash elchisi murat sélim esenli süriye elchisining dégenlirini qobul qilmighan. Türkiye elchisi türkiyining térror tehditige uchrawatqan dölet ikenlikini dégen.

Xitaydiki yer shari waqti gézitige xitay rehberlirining bundaq bir bayanat bérishidiki seweb néme? rastinila sherqiy türkistan ammiwi teshkilatliri süriyige Uyghur ewetiwatamdu dégen'ge oxshash so'allargha jawab tépish üchün sherqiy türkistan ammiwi teshkilatliri we istratégiye mutexessislirige mikrofonimizni uzattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.