167 Дөләт хитайниң зәһәрлик сүт мәһсулатлирини тәкшүрмәктә

Бирләшмә агентлиқиниң маниладин баян қилишичә, дуня сода тәшкилатниң тинч окян йемәклик бихәтәрлики әмәлдари антони һаззард бүгүн филипинниң манила шәһиридә, хитайда 22 ширкәтниң зәһәрлик меламин маддиси қошуп балилар йемәклики ишлигәнлики байқалди.
Мухбиримиз вәли
2008-09-23
Share
sut-parash-zeherlinish-305.jpg Балилири сүт парашоки билән зәһәрләнгән анилар дохтурханиларға толған көрүнүш.
AFP Photo

Шуниң билән һазир, хәлқара йемәклик бихәтәрлики тори буйичә 167 дөләт зәһәрлик меламин маддиси билән булғанған хитай йемәклирини, болупму балилар йемәклирини инчикә тәкшүрүшкә, бундақ мәһсулатларниң чегридин өткүзүлмәсликигә назарәт қилишқа башлиди, дәп җакарлиди.

'Хитайда ишләнгән инсанийәтниң сағламлиқиға зиянлиқ йемәкликләр мәсилиси японийидә сиясий мәсилә'

Франсийә агентлиқиниң бүгүн токйодин хәвәр қилишичә, японийиниң ғәрбий җәнубидики фукуока вилайитиниң һөкүмәт башлиқи ватару асо хитайда ишләнгән йемәкләр инсанийәтниң сағламлиқиға зиянлиқ, дәп җакарлиған вә һазир японийидә 47 вилайәт хитайда ишләнгән йемәкликләрниң бихәтәрликигә ишәнмәйду, хитай йемәклири һазир японийидә сиясий мәсилә болуп қалди, дәп җакарлиди.

Һиндонезийә, малайшия, бенгал, вейтнам қатарлиқ дөләтләрдә хитайда ишләнгән сүт мәһсулатлири чәкләнди

Һиндонезийиниң сәһийә министири лели сулистовати бүгүн җакартида ' хитайда ишләнгән сүт мәһсулатлириниң һиндунезийидә сетилиши чәклиниду' дәп җакарлиди.

Малайсияниң сәһийә миниситири норайни отман бүгүн куалалумперда 'хитайда ишләнгән ақ тошқан маркилиқ кәнпит қатарлиқларни өз ичигә алған һәр қандақ сүт мәһсулатлири буниңдин кейин малайсияда чәклиниду. Буниңдин бурунму хитай мәһсулатлири 1999 ‏ - йили һайванатларда тарқалған ақсил кесәллики сәвәбидин чәкләнгән иди, дәп җакарлиди.

Бенгалниң дөләт өлчәм инистетотиниң башлиқи азмал һүсәйин бүгүн даккада 'хитайниң 50 миңдин артуқ кичик балини кесәл қилған - өлтүргән зәһәр сүт парашуки вә хитай маркиси чапланған шуниңға охшаш зәһәрлик меламин вә яки башқа деһқанчилиқта қоллинилидиған хемийивий оғут қошуп ишләнгән инсан бөрикидә таш пәйда қилғуси һәр қандақ йемәклириниң бенгалда сетилиши чәклиниду' дәп җакарлиди.

Вейтнамниң сәһийә министирлиқи бүгүн хануйда, учур вастилири арқилиқ һәммә өлкә, шәһәр даирилиригә агаһландуруш елан қилип, улардин булғанған хитай йемәклирини вә келиш мәнбәси ениқ болмиған бәлки хитайдин келиши мумкин болған һәр қандақ йемәкләргә болған контроллуқни күчәйтишни, базарға селишни чәкләшни тәләп қилди.

Хәвәрдә ейтилишичә, вейтнамниң кимән йемәк ширкитиниң башлиқи фанти туйвән франсийә агентлиқи мухбириға 'хитайдин импорт қилинған 'йили сап сүт' маркилиқ мәһсулатлар һазир хузимин шәһиридә тәкшүрүлүшкә башлиди' дәп җакарлиди.

Хәвәрдә баян қилинишичә йәнә, хитайдин зәһәрлик меламин қетилған йемәкликләрни импорт қилған бенгал, бурунди, габон, йәмән, берма қатарлиқ дөләтләр һазир мал қайтурушқа башлиған.

Сәнлу маркилиқ сүт парашуки вәқәсидин кейин елип берилған тәкшүрүштә арман ширкитиниң балилар мәһсулатлиридин мәсилә чиқмиған

Хитайниң 'шинҗаң хәвәр тори'да баян қилинишичә, аптоном районлуқ сәһийә назарити 9 ‏ - айниң 21 ‏ - күни 'сәнлу' мәһсулатлири билән кесәл болған балилар 760, буниң ичидә үрүмчидә 310, башқа област, вилайәтләрдә 450 дәп елан қилған. Бүгүн бу сан 967 гә йәткән.

Уйғурчә тор бәтлиридә баян қилинишичә, хитайда сәнлу маркилиқ сүт парашуки вәқәсидин кейин, дөләт сүпәт тәкшүрүш идариси 60 тин артуқ ширкәтни тәкшүргәндә, арман ширкитиниң балилар мәһсулатлиридин мәсилә чиқмиған вә шуниңдин кейин арман йемәклири базар тепишқа башлиған икән.

Сәнлу' мәһсулатлири билән кесәл болған, өлгән балилар әмәлийәттә коммунист түзүмидин ибарәт 'рак' кесилигә гириптар болған вә өлгән

Хитайдики мәшһур сиясий мулаһизичи лю шавбо әпәндиниң бейҗиңда туруп йезип америкидики 'көзитиш журнили'да елан қилған обзорида баян қилинишичә, адәмниң һаятиға сәл қарилидиған җуңгода, адәттә намәлум сәвәб билән өлүватқан адәм наһайити көп. Йеқинда йәнә балиларда бөрәк теши кесәлликини пәйда қилидиған 'сәнлу' маркилиқ сүт парашуки мәсилиси ашкарилинип чиққандин кейин, хитай коммунист һөкүмити әслидә бундақ мәһсулатларға йешил чирақ йеқип бәргән хебей өлкилик партком вә дөләт кабинтиниң җавабкарлиқини сүрүштүрмәй, бәлки мәлум бир муавин әмәлдарни җазалап ишни йиғиштурмақчи болған.

Лю шавбо әпәндиниң қаришичә, 'сәнлу' мәһсулатлири арқилиқ бөрәк теши кесәлликигә гириптар болған вә өлгән балилар маһийәттә бундақ мәһсулатлар билән әмәс, бәлки коммунист түзүмидин ибарәт 'рак' кесилигә гириптар болған вә өлгән.

'Немә үчүн сәнлу ширкитиниң тиҗарәт гуваһнамисини әмәлдин қалдурмайду?'

'Йеңи әср журнили'да 'сәнлу' мәһсулатлири мәсилиси һәққидә обзор елан қилған су җәнҗүн әпәнди коммунист хитай һөкүмитигә 'немә үчүн сәнлу ширкитиниң тиҗарәт гуваһнамисини әмәлдин қалдурмайду?' дәп кәскин соал қойди.

'Хитайниң сүт мәһсулатлирини қоллиништин һәзәр әйләңлар'

Тебәт язғучиси весер ханим бүгүн 'йеңи әср ' журнилида елан қилған обзорида чай сүтләп ичишкә адәтләнгән тибәтләрни хитайниң сүт мәһсулатлирини қоллиништин һәзәр әйләшкә чақирди.

Әмәлийәттә зәһәрлик сүт парашуки мәсилисини бир тәрәп қилишқа асаслиқ мәсул киши ли кечаң иди

Һазир америкида туруватқан сияси паалийәтчи фаң җө әпәндиниң қаришичә, ху җинтавниң бу қетим зәһәрлик сәнлу мәһсулатлири мәсилиси билән дөләт сүпәт тәкшүрүш идарисиниң башлиқи ли чаңҗаңни җазалиғанлиқи бир һелә. Ху җинтав бу қетим йәнә бир йилдин кейин пенсийигә чиқидиған 64 яшлиқ ли чаңҗаңни вәзипидин қалдуруп, өзи 5 ‏ - әвлад ядроси қилип бикитәлмигән, әмма кәлгүсидә 7 ‏ - әвлад ядроси қилип бикитмәкчи болған ли кечаңни сақлап қалмақчи болди.

 Әмәлийәттә зәһәрлик сүт парашуки мәсилисини бир тәрәп қилишқа асаслиқ мәсул болуватқан киши коммунист партийә сиясий бюросиниң даимий әзаси, дөләт кабинтиниң муавин баш министири ли кечаң иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт