Taylantta ashkarilan'ghan gumanliq tijaretning qazaqstan'gha qeder tekshürülüsh ehwali

Ötken ayda, taylantta toxtap iran'gha uchidighan il -76 belgilik bir yük ayropilanda shimali koriyining 35 tonna partlatquch we rakitaliri qachilan'ghanliqi üchün, bu ayropilan bankokta tutup qélin'ghan idi. Bu qanunsiz qoral sodisi, eyni waqitta uchur wastilirining déqqitini qozghighan idi.
Muxbirimiz weli
2010.01.21
Share on WhatsApp
Share on WhatsApp
Shimali-Koriye-etkes-qoral-sodisi-pash-boldi-305.jpg 2009- Yili 13- dékabir küni, taylantta tutulghan il -76 belgilik yük ayropilanda shimali koriyining 35 tonna partlatquch we rakitaliri qachilanghanliqi bayqalghan bolup, süret, shu ayropilanning bankokta tutup qélinghandiki körünüshi.
www.bangkokpost.com Din élindi.

Bügün birleshme agéntliqi bu gumanliq soda heqqide nyuyorktin, pars qoltuqighiche, uningdin yéngi ziélandiye we qazaqstan'ghiche iz qoghlap tekshürüp éniqlighan ehwa'allarni ashkarilidi.

Birleshme agéntliqining bügün qazaqstanning chimkent shehiri'idin bayan qilishiche, ötken ayda taylantning bankok shehiride tutulghan il -76 belgilik bir yük ayropilan'gha, shimali koriyide ishlen'gen 35 tonna partlatquch we rakita qozghatquchi, yer yüzidin hawagha qoyup béridighan bashqurulidighan bomba qatarliq qoral qachilan'ghan bolup, bu ayropilan srttin qoral yötkesh cheklen'gen iran'gha baridighan bolghanliqi üchün, Taylant da'iriliri buni qanunsiz qoral tijariti dep qarap, bu ayropilanni bankokta tutup qalghan idi. Eyni waqitta uchur wastilirining diqqitini qozghighan bu gumanliq tijaret heqqide, bügün birleshme agéntliqi, tor uchurlirigha asasen, nyuyorktin, pars qoltuqighiche, uningdin yéngi zélandiyigiche, yene uningdin qazaqstan'gha qeder iz qoghlap tekshürgen.

Birleshme agéntliqi, bankokta tutup qélin'ghan il -76 belgilik yük bu ayropilanining uchquchiliri bilen, bu gumanliq tijaretke taqilidighan zawutlar bilen, shirketler bilen bir-birlep sözleshken. Éniqlinishiche, bu ayropilan aléksandir zikofning 'sherqiy qanat hawa qatnshi' dep atilidighan yükchi ayropilan shirkitining ayropilani. Bu shirket sabiq sowét ittipaqining qalduq gewdsi. Bu gewde yillardin buyan ishsiz qalghan uchquchilarni yuqiri ma'ash bilen özige jelip qilip, alliqachan ebjiqi chiqqan bundaq ayropilanlarni heydigüzüp turghan. Bu qétim bankokta tutulghan bu ayropilanning musapisi 15 ming kilométir bolidighanliqi, eng axirqi békiti téhranning méhrabat ayrodromi bolidighanliqi belgilen'gen. Bu ayropilan'gha qachilan'ghan yükning nami 'néfit sana'itide qollinidighan éshincha seplimiler' dep atalghan.

Birleshme agéntliqining bayan qilishiche, bu gumanliq tijaret okra'inadiki Aerotrack LTD dep atilidighan bir kichik ayrodrom bilen pényongdiki koriye bash tijaret kopiratipining mes'ulliqida élip bérilghan. Bu ayropilanning 4 neper chémkentlik qazaq uchquchisi 'zikofning ademliri' dep atilidighan uchquchilar iken. Bu uchquchilar 10 nechche yildin buyan zikofgha ishlewétiptu. Yuqirida nami tilgha élin'ghan bu kichik ayrodromning mudiri pawél mogiliwiski birleshme agéntliqigha 'bu 4 neper uchquchi bizning ademler, bu ayropilandiki uchqochilar guruppisi adette mexpiy tutulidighan pewqul'adde guruppa' dep ispatliq bergen.

Birleshme agéntliqi hazir erep emirlikining sharjah shehiride turuwatqan aléksandir zikofni téléfon arqiliq izligende, zikofning ayali swétlana zikowa bu shirketning il 76 belgilik yuk ayropilan tijariti 30 yildin buyan dawamlishiwatqanliqini, bankokta tutulghan bu ayropilan'gha qoral qachilan'ghanliqidin hergiz xewiri yoqluqini bayan qilghan. U birleshme agéntliqigha ' eger aldin bilgen bolsaq, bu ayropilanni hergiz ijarige bermeyttuq' dégen. Bu ayropilanning uchquchilirimu 'bu ayropilan'gha néme qachilan'ghanlqini bilmeymiz' dégen. Ular yene 'adette zawutlar bizning qolimizgha sapla saxta talun, saxta yol xet tutquzup qoyidu' dégen.

Yéngi zélandiyide bultur 7 ‏- ayda tizimgha aldurulghan, s p SP tijaret shirkitidin lunyuw birleshme agéntliqigha, aléksandir zikofning bu ayropilan'gha shimaliy koriyidin qoral yüklesh pilani barliqini, buning pul resmiyiti gherb hawa qatnishi shirkitidin liwan kakabadz dégen kishi groziye, daniyelerdiki arichilar arqiliq nyuyork bankisi, gérmaniye bankisi, j p morgan cheys bankisi, xongkongdiki s p SP tijaret shirkiti qatarliq shirketlerde bijirigenlikini, emma özi buning tepsilatidin xewiri yoqluqini bildürgen.

Birleshme agéntliqining bu gumanliq tijaret heqqide intérnétte bilin'gen uchurlargha asasen iz qoghlap éniqlishiche, bankokta tutulghan bu il belgilik yük ayropilani shimaliy koriyining pényong shehirige bérishtin burun, ezerbeyjanning baku shehiridin erep emirlikining el fujayra shehiride, bankokta toxtighan, bankoktin pényonggha kélip yük qachilighandin kéyin yene, bankokqa kelgende tutulghan. U eslidiki pilan buyiche, yene bankoktin uchup kolumbuda, el fujayrada, kéywta toxtap, uningdin kéyin téhran'gha bérip yük chüshürüp, andin montinégroning potgorika shehirige kélip toxtaydiken.

Sabiq sowét ittipaqi qazaqstan yaylaqlirida qurghan, hazirgha qeder qoral etkeschiliki bilen shughulliniwatqan bu yükchi ayropilan shirkitining 5 neper uchquchisi hazir bankokta türmide tutup turuluwatidu.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.