Сабиқ японийә баш вәзири абе әпәнди рабийә қадир ханимниң тәбрикнамисини вә уйғур допписини қобул қилди

Кагошима хәлқара университетиниң профессори германийилик балмун әпәнди башчилиқидики бир гуруппа кишиләр сабиқ баш вәзир абе җанаблириға рабийә қадир ханимниң тәбрикнамисини, салимини вә уйғур допписини йәткүзди.
Ихтиярий мухбиримиз һаҗи қутлуқ қадири
2012.10.27
shinzo-abe-rabiye-doppa-salam-305.jpg Кагошима хәлқара университетиниң профессори германийилик балмун әпәнди вә ихтиярий мухбиримиз һаҗи қутлуқ қадири сабиқ баш вәзир абе җанаблириға рабийә қадир ханимниң тәбрикнамисини йәткүзди вә уйғур допписи тәқдим қилди. 2012-Йили 25-өктәбир, японийә.
RFA/Qutluq Haji

Уйғурларниң йеқин дости, японийидики уйғур кишилик һоқуқ паалийәтлиригә сорун һазирлап келиватқан японийә парламентидики уйғур-достлуқ комитетиниң мәслиһәтчиси, асияда тинчлиқни бәрпа қилиш үчүн өзиниң бир кишилик һәссисини қошушқа тиришиватқан японийидики тонулған сиясийон вә шундақла японийиниң сабиқ баш вәзири шинзо абе җанаблири 9-айниң 28-күни, йәнә қайтидин японийә әркин демократчилар партийисиниң рәисликигә вә келәр қетимлиқ баш вәзирлик сайлам риқабитигә қатнишиш салаһийитигә еришкән иди.

Кагошима хәлқара университетиниң профессори германийилик балмун әпәнди вә ихтиярий мухбиримиз һаҗи қутлуқ қадири сабиқ баш вәзир абе җанаблириға рабийә қадир ханимниң тәбрикнамисини йәткүзди вә уйғур допписи тәқдим қилди. 2012-Йили 25-өктәбир, японийә.
Кагошима хәлқара университетиниң профессори германийилик балмун әпәнди вә ихтиярий мухбиримиз һаҗи қутлуқ қадири сабиқ баш вәзир абе җанаблириға рабийә қадир ханимниң тәбрикнамисини йәткүзди вә уйғур допписи тәқдим қилди. 2012-Йили 25-өктәбир, японийә.
RFA/Qutluq Haji

Илгири баш вәзир абе җанаблириниң тәклипи вә қоллиши билән бирнәччә қетим японийидә зиярәттә болған вә абе җанаблири билән уйғур мәсилиси үстидә һәмсөһбәттә болған уйғур миллий һәрикитиниң рәһбири рабийә қадир ханим бу хуш хәвәрдин шадлинип, 10-айниң 18-күни вашингтондики ишханисидин тәбрикнамисини, салимини вә уйғур допписини дәрһал йоллап, японийидики “хәлқара уйғур кишилик һоқуқ тәтқиқат җәмийити” ниң японийидики әзалириға, сабиқ баш вәзир абе җанаблириға өз намидин йәткүзүп беришни һавалә қилған иди.

Мана бүгүн 10-айниң 25-күни әтигән саәт 11:30 дә японийиниң кагошима өлкисиниң сендаи шәһиридики сабиқ баш вәзир абе җанаблири билән “хәлқара уйғур кишилик һоқуқ тәтқиқат җәмийити” ниң әзалири, кагошима хәлқара университетиниң профессори германийилик балмун әпәнди башчилиқидики бир гуруппа кишиләр учришип, баш вәзир абе җанаблири билән сөһбәттә болған вә уйғур мәсилисини аңлатқан. Бу қетимқи учришишта уйғур миллий һәрикитиниң рәһбири рабийә қадир ханимниң тәбрикнамисини, салимини вә уйғур допписини униңға тапшуруп бәргән. Сабиқ баш вәзир абе җанаблири хушаллиқ билән қобул қилип, өзиниң салимини бу вәкилләр арқилиқ рабийә қадир ханимға йәткүзгән.

Биз бу қетимқи учришишта сабиқ баш вәзир абе җанаблириниң уйғур миллий һәрикитиниң рәһбири рабийә қадир ханимға йәткүзгән салимини йоллаш вә рабийә қадир ханимниң тәбрикнамисиниң мәзмунидин вақип болуш үчүн рабийә қадир ханим билән телефон сөһбити елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.