تورونتودا تىبەتلىكلەرنى قوللاش نامايىشى ئۆتكۈزۈلدى
2008.03.24
يەكشەنبە كۈنى خىتاي ھۆكۈمىتىنىڭ تىبەتتىكى زوراۋانلىق ھەرىكەتلىرىنى ئەيىبلەش ۋە تىبەتتە يۈز بەرگەن ۋەقەلەرنى تەكشۈرۈش ھەققىدە كانادا ھۆكۈمىتىنى بىرلەشكەن دۆلەتلەر تەشكىلاتىغا بېسىم ئىشلىتىشكە ئۈندەش يۈزىسىدىن كانادانىڭ تورونتو شەھىرىدە چوڭ تىپتىكى بىرلەشمە نارازىلىق نامايىشى ئېلىپ بېرىلدى.
تىبەتلىكلەر ۋە ئۇلارنىڭ كانادالىق قوللىغۇچىلىرى بولۇپ 4 مىڭ ئەتراپىدا كىشى قاتناشقان بۇ نارازىلىق نامايىشىغا شەرقى تۈركىستاننىڭ ئاييۇلتۇزلۇق كۆك بايراقلىرىنى كۆتەرگەن 40 ئەتراپىدا ئۇيغۇر ئىشتىراك قىلدى.
بۇ تىبەتتىكى نارازىلىق نامايىشلىرى خىتاي ھۆكۈمىتى تەرىپىدىن قانلىق باستۇرۇلغاندىن كېيىنكى تورونتودىكى ئۇيغۇرلارنىڭ تۇنجى قېتىم تىبەتلىكلەر بىلەن بىرلىكتە ئېلىپ بارغان نارازىلىق نامايىشى بولۇپ ھېسابلىنىدۇ. ئونتارىئو شىتاتىنىڭ قانۇن ئورگانلىرى ۋە تورونتودىكى خىتاي كونسۇلخانىسىنىڭ ئالدى ھەمدە تورونتونىڭ نۇقتىلىق كوچىلىرىدا كوچا ئايلىنىپ 15 كىلومېتىرلىق مۇساپىنى بېسىپ، نارازىلىق نامايىشى ئېلىپ بارغان نامايىشچىلار قوشۇنى "خىتاي ھۆكۈمىتى تىبەتتىكى قىرغىنچىلىقنى توختات!" ، "خىتايلار تىبەتتىن چىقىپ كەتسۇن"، "تىبەتكە ئەركىنلىك،" "كىشىلىك ھوقۇق بولمىسا ئولىمپىكمۇ بولمايدۇ،"دېگەن شۇئارلارنى توۋلاشتى. 5 سائەت ئەتراپىدا داۋام قىلغان نارازىلىق نامايىشى جەريانىدا ئۇيغۇرلارنىڭ ۋەكىللىرىگە ئالاھىدە سۆز قىلىش پۇرسىتى بېرىلدى.
بۇ قېتىمقى نامايىشقا قاتناشقان بىر قىسىم ئۇيغۇرلارنى زىيارەت قىلغىنىمىزدا بۇ پائالىيەت ئارقىلىق ئۇيغۇرلارنىڭ داۋاسىنى كانادا خەلقىغە ئاڭلىتىش پۇرسىتىگە ئېرىشكەنلىكىنى، تىبەتلىكلەر بىلەن ئۇيغۇرلارنىڭ تەقدىرىنىڭ چەمبەرچاس باغلانغانلىقى، تىبەتلىكلەرنىڭ ھەققانى داۋاسىنى قوللاشنىڭ ئەمەلىيەتتە ئۇيغۇرلارنىڭ داۋاسىنى قوللاش بولىدىغانلىقى قاتارلىقلارنى ئەسكەرتتى. بۇ قېتىمقى نامايىش كانادا ئاخبارات ۋاستىلىرىنىڭ ئالاھىدە دىققىتىنى تارتتى. (كامىل تۇرسۇن)
مۇناسىۋەتلىك ماقالىلار
- تىبەتلەر خىتايلارنى قوغلاپ چىقىرىش ھەركىتى ئېلىپ بارغان
- ۋاڭ لىشوڭ: نامايىش قىلىۋاتقانلاردىن سۈكۈتتە تۇرۇۋاتقانلارنىڭ غەزىپى كۈچلۈك
- خىتاي، تىبەتتىكى نارازىلىق ھەرىكىتىنى باستۇرۇشقا تېخىمۇ زور كۆلەمدە ھەربىي كۈچلىرىنى ئىشقا سالماقتا
- خىتاي دائىرىلىرى ئۇيغۇرلارغا قاراتقان باستۇرۇش سىياسىتىنى قانۇنلۇق كۆرسىتىشكە ئۇرۇنماقتا
- خىتاي ھۆكۈمىتى تىبەتتە ئېلىپ بېرىلىۋاتقان نامايىشتا دالاي لامانىڭ ئەيىبلىك ئىكەنلىكىنى بىلدۈردى
- گېرمانىيىدە ئۇيغۇرلار ۋە تىبەتلىكلەرنىڭ خىتايغا قارشى نامايىشى
- گوللاندىيە ئۇيغۇرلار ۋە تىبەتلەر بىرلىكتە خىتايغا قارشى نامايىش ئېلىپ باردى
- بىر تۈركۈم خىتاي دېموكىراتچىلىرىنىڭ تىبەتتىكى توقۇنۇشلارغا قارىتا ئىنكاسى
- لخاسادا تىبەتلەرنىڭ نامايىشى باستۇرۇلغاندىن كېيىنكى يېڭى مۇلاھىزىلەر
- 14 - مارت لخاسا توقۇنۇشى ۋە ئۇيغۇرلارنىڭ ئىنكاسلىرى
- خىتاي ھۆكۈمىتى ئۇيغۇر يۇرتلىرىدا يۈز كۈنلۈك 'سېرىققا زەربە بېرىش ھەرىكىتى' نى باشلىدى
- ۋاشىنگتوندىكى خىتاي ئەلچىخانىسى ئالدىدا بولغان تىبەتلەر نامايىشىغا ئۇيغۇرلارمۇ قاتناشتى
كۆپ كۆرۈلگەن خەۋەرلەر
RFA
- رېژىسسور ئىكرام نۇرمەمەت تېررورلۇق بىلەن ئەيىبلىنىپ 6 يېرىم يىللىق كېسىۋېتىلگەن
- مەھمۇد قەشقەرى ۋە ھۈسەيىن تەجەللى ھەيكىلىنىڭ چېقىۋېتىلگەنلىكى دەلىللەندى
- شىنجاڭ ئۇنىۋېرسىتېتنىڭ يۈز يىللىقىدا نېمە ئۈچۈن مەكتەپنى «قىزىل ئىزباسارلارنى تەربىيەلەش مەركىزى» گە ئايلاندۇرۇش تەكىتلەندى؟
- ئۇيغۇرلار دۇچ كەلگەن ئىرقىي قىرغىنچىلىققا ئائىت يېڭى كىتاب تۈركىيەدە تارقىتىلىشقا باشلىدى
- ئۇكرائىنادا «ئۇيغۇرلارنىڭ مۇستەملىكە قىلىنىشى ۋە ئۇكرائىنلارنىڭ تەقدىرى» دېگەن تېمىدا سۆھبەت ئېلىپ بېرىلغان