Tibetler xitaylarni qoghlap chiqirish herkiti élip barghan


2008-03-21
Share

Atliq we piyade tibetlikler nahiye bazirigha shiddet bilen basturup kirgen. Youtube Din élindi. Source: Youtube

Bu nöwet 10 - mart tibetning lxasa shehiride yüz bergen namayish kiyin keng kölemlik qarshiliq körsitish herikitige özgirip, chingxey, gensu, sichüen qatarliq ölke rayonlarning tibetlikler olturaqlashqan rayonlargha dégüdek taralghan idi.

Gerche bu nöwetlik tibet namayishning bash témisi "tibet musteqilliqi", "tibet xelqining erkinliki" mewqesini chöridigen asasta élip bérilghan bolsimu, emma, tibetning chamdo wilayiti mangkam nahiyiside 18 - mart yüz bergen namayish özgiche tüs we shekilde élip bérilghan bolup, radi'omiz bügün igiligen melumatlargha qarighanda, mangkam nahiyisidin jümlidin pütün tibettin xitaylarni qoghlap chiqirish bu namayishni élip bérishtiki heriketlendürgüch küch bolghan.

Yerlik bir tibetlik: " xitaylarni kelgen yérige heydesh herikiti élip barduq"

"Hazir lxasada keng kölemde xitaylarni kelgen yérige heydesh herikiti boluwétiptu dep anglap bu heriketni bashliduq"

Yerlik bir tibetlikning bildürüshiche, ular hazir pütün tibet miqyasida xitaylarni qoghlap chiqirish herikiti boluwétiptu dégen xewerni anglighandin kiyin öz nahiyisi tewesidiki xitaylarni sürüp chiqirishqa bashlighan bolup, netijide 6 xitay éghir yarilan'ghan, emma ölüm - yétim ishliri körülmigen.

"Hazir lxasada keng kölemde xitaylarni kelgen yérige heydesh herikiti boluwétiptu dep anglap bu heriketni bashliduq"

Mezkur tibetning melumatigha asaslan'ghanda, hazir mangkam nahiyiside bashlan'ghan "xitaylarni qoghlap chiqirish" herikitini bésiqturush üchün xitay hökümiti az bir qisimdiki saqchilardin bashqa zor türkümde esker yötkigen bolup hazir nahiyining kirish éghizliri qamal qilin'ghan.

Yerlik tibetlik:" 5 - 6 xitay doxturxanida yétip qaldi"

Atliq we piyade tibetlikler nahiye bazirigha shiddet bilen basturup kirgen. Youtube Din élindi. Source: Youtube

Hazir tibetke téléfon urush intayin qiyin bolup, bir tibet muxbirning bildürüshiche, u amérikidin tibet ichidiki yanfon we simliq téléfonlarning hemmisige téléfon urup sinap baqqan bolsimu, ulanmighan, emma hindistandin tibetke téléfon urghanda peqet xitay saqchi da'irilirining jiddiy ehwal melum qilish liniyisigila ulan'ghan bolsimu, emma xitay saqchi terep adem tutush ishlirini ret qilghan.

Halbuki radi'omiz sözleshken mezkur yerlik tibetning éytishiche, hazir hökümet da'iriliri, swang doji, ligrap qatarliq 13 neper tibetni qolgha alghan bolup ularning hazirqi ehwali heqqide téxi éniq melumat yoq.

Bu heqte toxtalghan mangkam nahiyisidin bolghan héliqi yerlik tibetlik: " 5 - 6 xitay hazir mangkam nahiyilik doxturxanida yétip qaldi. Emma 13 tibetlikni qolgha élip mangkam nahiyilik tutup turush ornigha élip ketti bolghay" dédi. 10 - Mart tibetning lxasa shehiride bashlan'ghan namayish bara - bara tibetning ichi we tibetke qoshna rayonlargha kéngiyip, netijide xitay saqchiliri bilen namayishchi amma arisida her xil shekildiki toqunushlar kélip chiqqan idi.

Tibetlikler bir mektep qorosidiki xitay bayrighining ornigha tibet bayrighini tikligen . Youtube Din élindi. Source: Youtube

Xitay saqchiliri4 neper tibetlik namayishchini étip öltürgenlikini iqrar qildi

Gerche bu toqunushlar jeryanida xitay herbilirining oq chiqirip tibetlik namayishchilarni olturush weqelirini keltürüp chiqarghanliqi delil ispatlar bilen ilgiri sürülgen bolsimu, emma xitay hökümiti özlirining namayishchilargha qarita hergiz mu qoral ishletmigenlikini qayta - qayta tikligen idi.

Tünügün xitayning hökümet bayanatchisi ching gangmu xitay hökümitining yuqiriqi pikrini qayta tekitligen hemde özlirining herqandaq adem olturidighan qorallarni namayish tinchitish meydanigha élip kelmigenlikini hemde ishletmigenlikini ilgiri sürgen bolsimu, emma tünügün xitay metbu'atliri sichüen ölkiside élip bérilghan namayishni tinchitish jeryanida özini qoghdash üchün 4 neper tibetlik namayishchini étip öltürgenlikini iqrar qilghan.

Atliq we piyade tibetlikler nahiye bazirigha shiddet bilen basturup kirgen. Youtube Din élindi. Source: Youtube

Namayish jeryanida xitay saqchiliri qolida ölgen tibetler sanining 99 neperge yetken

Halbuki, bügün xitay hökümiti xelq gézitide bash maqale élan qilip, tibette yüz bergen namayishning nahayiti az biri qisim qanunsiz unsurlar teripidin keltürüp chiqarghanliqini, ular élip barghan zorawanliq heriketliri dawamida 13 neper bigunah ademning öltürgenlikini otturigha qoyghan bolsimu, lékin bezi tibet namayishchilarning xitay herbiy mergenlirining oqida jénidin ayrilghanliqini tilgha almighan.

Emma tibetning sürgündiki hökümiti hazirghiche namayishni basturush jeryanida xitay saqchiliri qolida ölgen tibetler sanining 99 neperge yetkenlikini ashkarilidi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet