Toqsunluq charwichilar wekili: “Ölüshke razimenki, yaylaq dawasidin waz kechmeymen”

Toqsun nahiyisidiki 40 nechche neper charwichi ötken hepte aptonom rayonluq partkom aldigha toplinip, 410 ming mo yayliqining tartiwélinishigha naraziliq bildürgen we bu naraziliq herikitige qatnashqanlar 5-künige kelgende toqsundin kelgen da'iriler teripidin qayturup kétilgen idi. Bügün muxbirimiz bu charwichilarning nöwettiki ehwali heqqide melumat igilidi. Melum bolushiche, charwichilar ürümchidin qayturup kélin'gendin kéyin, da'iriler ularni yaylaq dawasini qayta qilmasliq heqqide teyyarlan'ghan bir wedinamige mejburiy qol qoydurghan. Charwichilarning wekili ableq mensur, dawa yolida ölüshke razi ikenlikini, emma yaylaq dawasidin waz kechmeydighanliqini bildürgen.

Toqsunluq charwichilar özlirige hésdashliq bildürgen bir qisim da'irilerning tewisiyisi boyiche, ötken yili saylam ötküzüp, 4 kishini özlirining wekili qilip békitken. Bu wekiller nöwette da'iriler bilen yaylaq dawasi heqqide sözleshmekte. Charwichilar ürümchidin qayturup kélin'gendin kéyin da'iriler aldi bilen bu töt wekilni soraq qilip, ulargha tehdit salghan. Bu töt wekilning salahiyet kinishka we qol téléfonlirini tartiwalghan. Bu arqiliq ularning muxbir bilen alaqilishishi we seperge chiqishigha cheklime qoyghan. Bu töt wekildin biri ableq mensur isimlik kishi bolup, u da'irilerge, özining ölüshke razi ikenlikini, emma yaylaq dawasidin waz kiymeydighanliqini bildürgen. Ableq mensur hetta balilirigha yaylaq dawasini dawamlashturush heqqide wesiyetnamimu yézip qoyghan.

75 Yashliq boway tömür semer, 16 yéshidin bashlap mezkur yaylaqlarda qoy baqqan. Uning bildürüshiche, uning ejdadlirining mezkur yaylaqlarda qoy béqish tarixi az dégende 400 yilliq tarixqa ige. U yaylaqlirining qoldin kétishini yalghuz kelgüsi ewladlirining risqining qoldin kétishi emes, belki ejdadliridin qalghan bir tewerükning qoldin kétishi dep qarighuchilardindur. Shunga u, yaylaqlarning qoldin kétishi, bolupmu uning buzuwétilishige échinip mundaq deydu:

Biz yuqiriqi ehwllarni anglighandin kéyin, toqsun nahiyisi we turpan wilayitidiki munasiwetlik mes'ul kishilerge téléfon qilduq.

Tepsilatini yuqiridiki awaz ulinishidin anglighaysiler.