Torontodiki Uyghur jama'iti otturigha qoyghan Uyghur meschiti sélish kélechek pilani kanada hökümitining testiqlishidin ötti

Bundin 2 yil awwal torontoda yashawatqan Uyghurlardin 7 kishi birliship toronto shehiride Uyghur meschiti sélishqa rehberlik qilish da'imiy komitéti qurghan idi.
Ixtiyariy muxbirimiz gülshen abduqadir
2011-08-29
Élxet
Pikir
Share
Print
Meschiti heremge yéngidin qoshulushi pilanlan'ghan yéngi qurulushning ichidin körünüshi.
Meschiti heremge yéngidin qoshulushi pilanlan'ghan yéngi qurulushning ichidin körünüshi.
www.waraqat.net

Yéqinda bu da'imiy komitét ezalirining kanada hökümitige yollighan toronto shehiride Uyghur meschiti sélish heqqidiki kélechek pilani, kanada hökümitining testiqlishidin ötti we kanada tewelikide Uyghur meschiti üchün i'ane toplashqa bolidighanliqi heqqide ijazetname bérildi. Uyghur közetküchiler buni kanadadiki Uyghurlarning kélechek üchün salghan tarixi ehmiyetlik bir hüli dep qarashmaqta.

Bu munasiwet bilen biz toronto shehiride Uyghur meschit sélishqa rehberlik qilish da'imiy komitétining ezasi ibrahim qarimini ziyaret qilduq. U Uyghur meschiti sélishning kanadadiki Uyghurlarning milliy kimliki we diniy étiqadini saqlap qélishta muhim ehmiyetke ige ikenliki heqqide toxtaldi.

Toronto shehiride Uyghur meschiti sélishqa rehberlik qilish da'imiy komitétidiki xadimlardin igilishimizche, 7 kishilik da'imiy komitét ezaliri deslepte bir mexsus banka hésabati échip her ayda 100 kanada dollirini meschitke atashtin ish bashlighan bolup, hazir ularning toplighan meblighi 50 ming dollardin ashqan.

Ibrahim qarim yene, Uyghur meschiti sélishqa rehberlik qilish komitétining kirim-chiqim hésabat ishliri intayin teshkili prinsipliq halette élip bériliwatqanliqini tekitlidi.

Öz ismi we awazini ashkarilashni xalimighan bezi da'imiy komitét ezalirining bildürüshiche, torontoda Uyghur meschiti sélish kélechek pilanining kanada hökümitining testiqlishigha érishishi, xitay hökümitige Uyghurlarning meyli dunyaning neride bolushidin qet'iynezer birlisheleydighan, ittipaqlishalaydighan, özliri turushluq döletlerdiki qanun we prinsiplardin ünümlük paydilinip özlirining milliy kimliki, diniy étiqadi til we örp-adetlirini qoghdiyalaydighan millet ikenlikidin ibaret signalni béridiken. Ularning yene bildürüshiche, kélechekte toronto shehiride bir Uyghur meschitining qed kötürüshi, Uyghurlarning xitay hökümiti oylighandek,medeniyet, diniy étiqad we örp-adet jehettin ongay yoq bolup kétidighan millet emeslikining roshen belgisi bolup qalidiken.

Kélechekte toronto shehiride sélinishi pilanliniwatqan Uyghur meschiti peqet ibadet orni bolupla qalmastin yene, torontodiki Uyghurlarning, milliy medeniyet pa'aliyetlirini élip bérish, Uyghur tili mekteplirini échish, yighilish we toy-tökün, nezir-chiragh ishlirida orun yoq bolushtek boshluqni tolduridiken.

Yuqiridiki ulinishtin bu programmining tepsilatini anglighaysiler.

Toluq bet