Kanadaning toronto we wankuwér sheherliride olimpikke qarshi naraziliq namayishi ötküzüldi

Xitay hökümitining olimpik mesh'ilini Uyghur rayonigha élip kélishige we olimpik harpisida Uyghurlarni basturushni kücheytkenlikige naraziliq bildürüsh üchün, 6 - ayning 25 küni, kanadaning toronto we wankuwér sheherliride birla waqitta naraziliq namayishi élip bérildi.
Muxbirimiz kamil tursun xewiri
2008-06-26
Share

Bu namayish shundaqla, xitaydin ibaret kishilik hoquqni éghir halda depsende qiliwatqan, puqralarning söz - metbu'at erkinlikini pütünley boghuwatqan diktator döletning olimpik musabiqisini ötküzüsh hoquqining yoq ikenlikini kanada jama'itining semige sélish meqsitide, kanadaning toronto we wankuwér sheherliridiki Uyghurlar, bu ikki sheherdiki xitay elchixanisi we konsulxanisining aldida, birla waqitta élip bérilghan naraziliq namayishi hésablinidu.

Kanada Uyghur jem'iyitining uyushturushi bilen élip bérilghan bu pa'aliyette - olimpik musabiqisini bayqut qilishni teshebbus qilidighan, xitayni kishilik hoquq depsendichilikini toxtitishqa we hüseyin jélil shundaqla bashqa siyasiy mehbuslarni qoyuwétishke chaqiridighan shu'arlar towlandi.

Kanada Uyghur jem'iyitining re'isi ruqiye xanim bilen kanada Uyghur jem'iyitining wankuwér shehiride turushluq hey'et ezasi ömerjan ependini we bir qisim Uyghurlarni ziyaret qilghinimizda, ular bügünki bu naraziliq namayishi heqqide tepsiliy melumat berdi.

Bügünki bu namayish kanada tarixida tunji qétim ikki sheherde birla waqitta ötküzülgen xitay hökümitige qarshi pa'aliyet bolup hésablinidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet