Torontoda ürümchi qirghinchiliqining bir yilliqini xatirilesh namayishi ötküzüldi

Kanadaning toronto shehiride 5 - iyul ürümchi qirghinchiliqining bir yilliqi munasiwiti bilen, xitay hökümitige naraziliq namayishi ötküzüldi. Namayish 5 - iyul küni shu jay waqti chüshtin kéyin sa'et 2 de bashlandi. Namayishqa torontoda yashawatqan köp sandiki Uyghur qatnashti. Namayish xitayning torontoda turushluq elchixanisining aldida élip bérildi.
Ixtiyari muxbirimiz gülshen
2010-07-06
Élxet
Pikir
Share
Print
Süret, kanadaning toronto shehridiki xitay elchilikining aldida  ötküzülgen namayishlardin biri.
Süret, kanadaning toronto shehridiki xitay elchilikining aldida ötküzülgen namayishlardin biri.
RFA Photo

Namayishchilar " xitay Uyghurlarni öltürüshni toxtat", "xitay sherqi türkistandin chiqip ket", " térrorchi xitay, fashst xitay", " 5 - iyul qirghinchiliqi untulmaydu" dégendek sho'arlarni towlashti.

Bu namayishni kanada Uyghur jem'iyiti teshkilligen bolup,namayish jeryanida ziyaritimizni qobul qilghan kanada Uyghur jem'iyitining re'isi ruqiye turdush xanim söz qildi.

Shu küni hawa nahayiti issiq bolsimu, emma qollirida ay yultuzluq kök bayraq we 5 - iyul ürümchi qirghinchiliqi eks ettürülgen resimlerni kötürüshken namayishchilar nahayiti jushqun halette, sho'arlarni towlap xitay hökümitige bolghan naraziliqini ipadilidi.

Namayish jeryanida ziyaritimizni qobul qilghan shakir ependi özining 5 - iyul shéhitliri bilen bir septe turup issiq qanlirini ular bilen birlikte aqquzalmighanliqigha bolghan échinish héssiyatini ipadilidi.

Hawaning qattiq issiq bolushigha perwa qilmay, tughulghinigha emdila birnechche ay bolghan bowiqini kötürüp namayishchilar sépige qoshulghan bir yash xanim özining hissiyatini ipadilidi.

Biz namayish jeryanida yene, kanada Uyghur jem'iyitining sabiq re'isi memet toxti ependinimu ziyaret qilduq. Ü u bügünki namayish jeryanidiki öz tuyghulirini ipadilidi.

Namayish chüshtin kéyin sa'et 5 ke qeder dawamlashti.

Yuqiridiki awaz ulinishidin, bu heqtiki söhbitimizning tepsilatini anglaysiler.
Toluq bet