2-Nöwetlik turan qurultiyigha 5 dölettin 20 Uyghur wekil qatnashti

8-Ayning 10-künidin 12-künigiche dawamlashqan 2-nöwetlik türk turan qurultiyi wén'griyining bugaj yézisida ghelibilik axirlashti.
Ixtiyariy muxbirimiz erkin tarim
2012-08-13
Share
turan-qurultiyi-wengeriye-305.jpg 2-Nöwetlik turan qurultiyidiki pa'aliyetlerdin körünüsh. 2012-Yili 8-awghust, wén'griye.
RFA/Erkin Tarim

Bu qurultaygha 21 dölettin wekiller qatnashqan bolup, qurultayning échilish nutqini wén'griye parlaménti mu'awin bashliqi sandor lezsak ependi qildi. Échilish nutqi axirlashqandin kéyin qedimki hun medeniyitini, bolupmu qedimki honlarning turmushi we urush mahariti janliq halda tonushturuldi. Bu pa'aliyetni uyushturghan wén'griye turan birliki bashliqi tonulghan türkolog andras biro ependining éytishiche, 2010-yili ötküzülgen 1-nöwetlik turan qurultiyigha 18 dölettin wekil qatnashqan bolsa, bu yil chaqirilghan 2-nöwetlikige 21 dölettin kelgen köp sanda qérindash millettin wekiller qatnashqan. Uning éytishiche, bu qurultay ötküzülgen meydan'gha ottura asiyadin kelgen türkiy milletlerning 200 chidiri ornitilghan bolup, 350 xil urush mahariti tonushturulghan.Hon qurultiyida kök bayraq. 2012-Yili 8-awghust, wén'griye.

Bu qurultaygha wén'griye parlamént ezaliridin bashqa türkiye-wén'griye parlaméntliri dostluq komitéti re'isi doktor seljuq özdagh ependi bilen parlamént ezasi wural qawunju ependiler qatnashti we söz qildi. Uyghurlargha wakaliten gérmaniye, qazaqistan, en'gliye, gollandiye, shwétsariye we türkiyidin kelgen 20 etrapida Uyghur qatnashti. Qurultayda Uyghur sen'etchiler sen'et nomurlirini körsetti. Dunya Uyghur qurultiyi mu'awin re'isi ümid xemit ependi bilen qazaqistandin kelgen wekil waqqas ependiler 21 döletning bayriqining yénida sherqiy türkistanning ay yultuzluq kök bayriqining lepildep turushi Uyghur wekillerni qattiq hayajanlandurghanliqini dédi.

Yuqiridiki awaz ulinishidin, qurultaygha qatnashqan Uyghur sen'etchi we bashqa wekillerning tesiratini anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet