Türkiyidiki ammiwiy teshkilatlar wekilliri sherqiy türkistan teshkilatini ziyaret qildi

Süret, 1 - ayning 4 - küni, türkiyining qeyseride paaliyet élip bériwatqan 60 etrapidiki ammiwiy teshkilat wekillirining qeyseride paaliyet élip bériwatqan sherqiy türkistan medeniyet we hemkarliq teshkilatini ziyaret qiliwatqan yighilishtin bir körünüsh.

1 - Ayning 4 - küni kechte élip bérilghan bu ziyaretke kelgen 60 etrapida wekilge wakaliten söz qilghan türkiye köngüllük yardem qilish teshkilatliri birlikining mes'uli ehmet tash ependi söz qilip, bu ziyaretning meqsiti üstide toxtilip mundaq dédi: "qeyseride pa'aliyet élip bériwatqan 60 ammiwiy teshkilatning ezaliri bu yerdiki sherqiy türkistan jem'iyitige ziyaretke kelduq. Meqsitimiz qeyseri xelqining sherqiy türkistan xelqighe qiliniwatqan zulumlargha, insan heqliri depsendichiliklirige qarshi naraziliqini ipadilesh, shundaqla 5 - iyuldin kéyin Uyghur qérindashlirimiz tartiwatqan zulumgha ortaqlishishtin ibaret. Shuning bilen birge hazir Uyghurlar xitay zülmidin dünyaning her qaysi jaylirigha qéchiwétiptu. Ötkende kambodzhaning 20 Uyghurni xitaygha qayturup bergenlikini anglap qattiq azaplanduq. Bundin kéyin bundaq hadisilerning meydan'gha chiqishining aldini élish üchün némilerni qilishimiz kérek dégen'ge oxshash mesililerni müzakire qilish üchün sherqiy türkistan medeniyet we hemkarliq teshkilatigha kelduq."

Ehmet tash ependi ammiwiy teshkilatlarning Uyghurlar üchün bundin kéyin qilidighan xizmetliri heqqide toxtilip mundaq dédi: "biz islam konféransi teshkilatining, müsülman döletlirining xitaygha imbargo élip bérishini, xitaygha siyasiy bésim ishlitishini telep qilimiz. Türkiyining xitay bilen bolghan diplomatik münasiwitidin paydilinip, u yerdiki zulum, ölüm jazasi we diniy bésimning tügitilishi üchün bésim ishlitishini emelge ashurushqa tirishimiz. Bulardin bashqa birleshken döletler teshkilati, xelq'ara insan heqliri teshkilatlirigha sherqiy türkistan mesilisini anglitish arqiliq xitaygha bésim ishlitishini emelge ashurushni oylawatimiz."
 
Biz bu uchrishish heqqide téximu tepsiliy melumat élish neq meydan'gha téléfon qilip, téléfon ziyariti élip barduq. 

Yuqiridiki awaz ulinishidin, bu heqtiki melumatimizning tepsilatini anglaysiler.