Türkiyide 1 - nöwetlik xelq'araliq axbarat wasitilirida türkchining ishlitilishi mawzuluq ilmiy muhakime yighini

Bu yighingha qatnishiwatqan yaponiye kagoshima uniwérsitéti oqutquchisi dr. Haji qutluq qadiri ependi sözde.

Bu ilmiy muhakime yighinining échilish murasimi bügün qiriqqale uniwérsitétining zalida resmi bashlandi. Échilish murasimigha türkiye radi'o téléwiziye yüksek komitétining bashliqi dr. Zahid aqman, türkiye til tetqiqat idarisi bashliqi proféssor dr. Shükrü xaluq aqalin, sabiq ministirlar qatnashti we söz qildi.

Türkiye til tetqiqat idarisi bashliqi proféssor dr. Shükrü xaluq aqalin axbaratchiliq uchqandek tereqqiy qiliwatqan künimizde, radyo téléwiziye we gézitlarda tilni toghra ishlitishning intayin muhim ikenlikini anglattti. U sözide yene türkiyide 500 téléwiziye qanali, 1000 etrapida radyo barliqini, axbaratchiliqning uchqandek tereqqi qilishi bilen, axbaratchiliqta türkchini xata ishlitishning köpiyiwatqanliqini éytti. U sözide yene axbarat wasitilirining tilning mukemmellishishide intayin muhim rol oynaydighanliqini, shunga türkchini türkiy milletlerning ortaq tiligha aylandurush üchün metbu'atlarda toghra ishlitish kéréklikini éytti.

Bu qétimqi ilmiy muhakime yighinida ottura asiya türkiy jumhuriyetliri we bashqa döletlerdin kelgen tilshunashlar nuqtiliq halda türkchining axbarat wasitilirida ishlitilishi heqqide muhakime élip baridiken. Ottura asiya türkiy jumhuriyetliri musteqil bolghandin kéyin türk dunyasidiki ilim ademliri arisida bu döletler otturisidiki alaqilarda qaysi tilni ishlitish mesilisi heqqide munazire élip bérilip kelmekte idi.

Türkiy jumhuriyetler musteqil bolghandin béri türkiy milletler arisida rus tili alaqe tili bolup ishlitilip kelmekte idi. Biz bu yighin heqqide téximu tepsili melumat élish üchün, bu yighin'gha qatnishiwatqan yaponiye kagoshima uniwérsitéti oqutquchisi dr. Haji qutluq qadiri ependi bilen özbékistanliq ilim adimi, türk dunyasining ortaq tili namliq kitabning aptori prof. Dr. Bextiyar kerimow ependilerge mikrofonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.