'Бүйүк түркистанниң өтмүши вә һазири' намлиқ китаб нәшрдин чиқти

Йеқинда сәуди әрәбистанида "қутадғу билик"ни әрәбчигә тәрҗимә қилған алим муһәммәд қасим һаҗимниң " бүйүк түркистанниң өтмүши вә һазирқи әһвали "намлиқ китаби нәшрдин чиқти.
Мухбиримиз өмәрҗан тохти
2010-11-08
Share

Бу китаб апторниң мундин 17 йил илгири сәуди әрәбистаниниң мәккә мукәррәмә шәһиридики "мәдәнийәт уюшмиси"ниң кулубида шу сәрләвһә астида сөзлигән лексийисиниң кеңәйтилмиси болуп, шәрқий вә ғәрбий түркистанниң омумий әһвали, қисқичә тарихи вә өтмүши, шундақла һазирқи әһвали һәққидә наһайити ихчам һәм чүшинишлик һалда, әрәб тилида шәрһләп берилгәндин ташқири, уйғур елиниң һунлар дәвридин башлап бүгүнки күнгә кәлгичә болған тарихи җәряни, қурулған дөләтләр, уйғур елида яритилған мәдәнийәтләр, уйғурларниң мустәқиллиқ йолида елип барған қанлиқ күрәшлири ихчам һалда баян қилған.

Төвәндә "бүйүк түркистанниң өтмүши вә һазирқи әһвали" намлиқ китаб тоғрилиқ көпрәк мәлуматқа игә болуш үчүн китабниң аптори муһәммәд қасим һаҗим билән елип барған сөһбитимизни тәқдим қилимиз.

Мәзкур китабниң аптори, "қутадғу билик"ни әрәб тилиға тәрҗимә қилған алим муһәммәд қасим һаҗим мундақ деди: "1993-йили мәккидики уммулқура университетиниң мудири раҗиһ ибни раҗиһ билән баламниң вастиси билән тонушуп қалған идим. У узун өтмәй мениң мәккидики "мәдәнийәт уюшмиси"ниң чоң кулубида түркистан тоғрилиқ лексийә беришимни тәләп қилған иди. Шу хушаллиқта мән у лексийини икки күндә йезип чиққантим, бәкму мәзмунлуқ һәм ихчам болған иди. Лексийини аңлиғанларниң һәммиси шунчә зор мәмнун болғанти. Кейинчә уни кеңәйтип китаб қилдим. Мән лексийә сөзлигән залниң иккинчи қәвитигә түркистанниң байриқини есип қойғантим, һәммә кишиниң диққитини өзигә җәлп қилғанти. Мениң лексийимгә миңдин көпрәк адәм қатнашқан, хусусән мәккиниң зиялийлириниң һәммиси дегүдәк қатнашқан иди. Бу китабни бир миң данә бастуруп, һәқсиз тарқаттим."

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт