Istanbuldiki sherqiy türkistan ammiwi teshkilat mes'ulliri ürümchi weqesining 3 yilliqi munasiwiti bilen pa'aliyet uyushturush toghrisida kéngesh ötküzdi

Yighin'gha sherqiy türkistan yashlar jem'iyitining mes'ulliridin turghut bayqal, tibet yürjetürk, sherqiy türkistan ma'arip we hemkarliq jem'iyitining mes'ulliridin hidayetullah oghuzxan, sherqiy türkistan hemkarliq jem'iyitining sabiq re'isi isma'il chin'giz, sherqiy türkistan köchmenler jemyitining mes'ulliridin serkan dinchtürk qatarliq mes'ullar qatnashti. Yighin'gha qatnishalmighan sherqiy türkistan wexpi we sherqiy türkistan méhri - shepqet jem'iyiti qatarliq teshkilatlarning mes'ulliri bashqa muhim ish chiqip qalghanliqi sewebidin waqit yar bermey kélelmigenliki toghrisida melumat berdi.

Yighinda asasliqi 5 - iyul ürümchi weqesining 3 - yili munasiwiti bilen qandaq pa'aliyet uyushturush toghrisida muzakire élip bérildi.

Yighin jeryanida her qaysi jem'iyet we teshkilatlarning mes'ulliri, ürümchi weqesini xatirilesh munasiwiti bilen élip barmaqchi bolghan xizmet - pa'aliyetler toghrisida özlirining pikirlirini bayan qildi, netijide 1 - iyuldin 10 - yilghiche pa'aliyet qilish, bu pa'aliyetler qatarida, istanbulning bir qanche orunda ürümchi qirghinchiliqini ipadiligen resim körgezmisi échish, namayish uyushturush, axbarat élan qilish yighini échish qatarliq pa'aliyetler élip bérish toghrisida qararlar élindi we her qaysi jem'iyetke pa'aliyet toghrisida kéreklik teyyarliq qilish xizmetler belgilendi.

Yighinda yene istanbuldiki pütkül sherqiy türkistan ammiwi teshkilatlar birliship, “Hör sherqiy türkistan munbiri” nam astida birlikte pa'aliyet qilish bu nam astida katibatliq qurush qarar qilinip bash katip belgilendi.

Axbarat élan qilish yighini uyushturush, namayish qilish shundaqla resim körgezmisi échish toghrisidiki pa'aliyetlerning orun we waqitliri beligilen'gen bolsimu bularni hazirche axbaratlarda élan qilmaydighanliqi qarar qilindi.

Biz bu yighin toghrisida yighin'gha qatnashqan bir qisim sherqiy türkistan ammiwi teshkilat mes'ulliri bilen söhbet élip barduq.