Түркийидики MPL телевизийә қанилида уйғур мәсилиси

Һәр дүшәнбә күни ахшам саәт 9:35 тә түркийидики MPL телевизийисидә түркистанбул исимлиқ, түрк дуняси һәққидә бир програм тарқитилмақта.
Мухбиримиз әркин тарим
2008.09.24
Mpl-tvde-uyghur-305.jpg Сүрәттә, түркистанбул программисиниң рийасәтчиси ахмәт түркөз әпәнди программа меһмини билән биргә.
RFA / Erkin Tarim

Бу программиниң риясәтчиликини шәрқий түркистан көчмәнләр җәмийити башлиқи ахмәт түркөз әпәнди қилмақта. Бу бир саәтлик бир программа болуп, программида уйғур, қазақ, қирғиз, өзбәк вә татарға охшаш түркий милләтләрниң тили әдәбияти, тарихи вә бүгүнки мәсилилири һәққидә бу милләтләрниң вәкиллири, аммиви тәшкилатлириниң мәсуллири вә мунасивәтлик илим адәмлири билән сөһбәт елип берилмақта.

2 Айдин бери MPL йәни медия платформи намлиқ телевизийә қанилида бериливатқан бу программиниң көпидә, шәрқий түркистан мәсилиси һәққидә сөһбәт елип берилған. Бу программилар арқилиқ шәрқий түркистан мәсилиси кәң түрк җамаәтчиликигә әтраплиқ һалда аңлитилмақта.

Түркистанбул программисиниң риясәтчиси ахмәт түркөз әпәнди 2008 - йили бейҗиң олимпик мусабиқиси түпәйлидин шәрқий түркистан мәсилисиниң, болупму шәрқий түркистандики инсан һәқлири дәпсәндилириниң дуняниң күн тәртипигә кәлгәнликини, буниң үчүн бу программида нуқтилиқ һалда шәрқий түркистан мәсилисигә йәр бәргәнликини ейтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.