بۇ يوليورۇققا بىنائەن تۈركىيىدىكى شەرقىي تۈركىستان ئاممىۋى تەشكىلاتلىرى مەسئۇللىرىمۇ تۈركىيىدىكى ھەرقايسى ئاممىۋى تەشكىلاتلار، سىياسىي پارتىيىلەر، پارلامېنت ئەزالىرى ۋە ئۇيغۇرلارنى ئايرىم -ئايرىم زىيارەت قىلىپ، ئۇلارنى 5-ئىيۇل ئۈرۈمچى ۋەقەسىنى خاتىرىلەش پائالىيەتلىرىگە ئاكتىپ قاتنىشىشقا سەپەرۋەر قىلماقتا.
شەرقىي تۈركىستان ئاممىۋى تەشكىلاتلىرىنىڭ مەسئۇللىرىنىڭ ئېيتىشىچە، بۇ يىل 5-ئىيۇل ئۈرۈمچى ۋەقەسى تۈركىيىنىڭ ئەنقەرە، ئىستانبۇل، قەيسەرى، كونيا، ئەرزۇرۇم قاتارلىق شەھەرلىرىدە رەسىم كۆرگەزمىسى، يىغىن، ئۈرۈمچى ۋەقەسىدە شېھىت بولغان ئۇيغۇرلارغا قۇرئان ئوقۇتۇش ۋە نامايىش ئۆتكۈزۈش قاتارلىق پائالىيەتلەر بىلەن خاتىرىلىنىدىكەن.
بۇ پائالىيەتلەرنى پەقەتلا تۈركىيىدە پائالىيەت ئېلىپ بېرىۋاتقان شەرقىي تۈركىستان ئاممىۋى تەشكىلاتلىرىلا ئەمەس، بەلكى تۈرك ئاممىۋى تەشكىلاتلىرىمۇ ئۇيۇشتۇرىدىكەن.
تۈركىيىدە ئېلىپ بېرىلىدىغان پائالىيەتلەر ھەققىدە تېخىمۇ تەپسىلىي مەلۇمات ئېلىش ئۈچۈن شەرقىي تۈركىستان ئاممىۋى تەشكىلاتلىرىنىڭ مەسئۇللىرى بىلەن تېلېفون سۆھبىتى ئېلىپ باردۇق.