Türkiye shangxey hemkarliq teshkilatigha dé'alog shériki süpitide qobul qilinmaqchi

“Jahan” xewer agéntliqining béyjingda turushluq muxbirining türkiye “Zaman” gézitide élan qilghan xewirige qarighanda, chén goping muxbirlargha bergen bayanatida afghanistan chégrasining shangxey hemkarliq teshkilatigha eza bolghan döletler üchün tolimu muhim ikenlikini, türkiyining bu rayonda nahayiti muhim orun'gha ige bir dölet ikenlikini we türkiyining shangxey hemkarliq teshkilatigha eza döletler bilen diplomatik munasiwitining nahayiti yaxshi ikenlikini tekitligen. Chén goping bayanatida yene türkiyining dé'alog shériki süpitide qobul qilinishining türkiye we afghanistan üchün shundaqla, bu ikki döletning shangxey hemkarliq teshkilatigha eza bashqa döletler bilen birlikte térrorizmgha, bölgünchilikke, esebiy diniy küchlerge we zeher etkeschilikige qarshi küreshke yardimi tégidighanliqini élan qilghan.

Xewerlerdin igilishimizche, shangxey hemkarliq teshkilatining aliy yighinida türkiyining dé'alog shériki süpitide qobul qilinishi shangxey hemkarliq teshkilatigha eza döletlerning diplomatiye ministirliri teripidin testiqlan'ghan bolup, bu qétimqi aliy yighinida kün tertipke qoyulidiken.

2001-Yilida qurulghan shangxey hemkarliq teshkilati 2005-yilidin tartip közetküchi dölet, 2009-yilidin tartip yéngi dé'alog shériki dölet qobul qilmaqta. Mezkur teshkilatning yighinigha iran, pakistan we mongghuliye közetküchi dölet süpitide qatnashmaqta.

Bélorusiye we sirlanka 2010-yili, teshkilatning dé'alog shériki bolghan idi. Iran, hindistan we pakistan teshkilatqa eza bolush iltimasini sundi.

Shangxey hemkarliq teshkilatigha türkiyining dé'alog shériki süpitide qobul qilinishini qandaq chüshinish kérek?

Türkiyining qobul qilinishining Uyghur dewasigha qandaq tesiri bolushi mumkin? kéyinche türkiye shangxey hemkarliq teshkilatigha eza bolup qobul qilinarmu? bu heqte köz qarashlirini igilesh üchün türkiyidiki mutexessisler bilen söhbet élip barduq.