Türkiyining 2023-yilighiche bolghan chong pilanida Uyghur mesilisigimu yer bérildi

Türkiyide Uyghur mesilisi tunji qétim uzun yil hakimiyet béshida turghan bir partiyining saylam wedilirining ichide yer aldi.
Ixtiyariy muxbirimiz erkin tarim
2011.04.29
Share on WhatsApp
Share on WhatsApp
turkiyening-2023-yilghiche-bolghan-pilani-305.jpg Türkiyining 2023-yilghiche bolghan pilani.
RFA/Erkin Tarim

Bu yil 6-ayning 12-küni türkiyide parlamént saylimi élip bérilmaqchi. Bu saylamgha chong ‏- kichik bolup 21 etrapida siyasiy partiye qatnishidighan bolup, 10 yildin béri türkiyide hakimiyet tutup turghan adalet we tereqqiyat partiyisi saylam bayannamisi bolghan türkiyining 2023-yilighiche bolghan pilanini otturigha qoyghan.

2023-Yili türkiye jumhuriyiti döliti qurulghanliqigha 100 yil tolghan yil bolup, türkiyining 2023-yilliq pilani namliq bu eserde, 100-yilida türkiye yétishni arzu qilghan meqset yeni 2023-yiligha kelgende türkiyini démokratiye, iqtisad, téxnologiye jehettin tereqqiy qilghan küchlük bir türkiye qilip qurup chiqish pilani bayan qilin'ghan. Adalet we tereqqiyat partiyisi teyyarlighan bu saylam bayannamisining 157-bétide Uyghurlar heqqide shu jümlige yer bérilgen.

Asiyaning üch chong iqtisadiy küchi bolghan xitay, hindistan we yaponiye bilen bolghan iqtisadiy munasiwetni tereqqiy qildurushni dawamlashturimiz.

Bu döletler bilen élip bériwatqan siyasiy munasiwitimiz türkiyining iqtisadiy tereqqiyatighimu paydiliq. Yéngi hökümet mezgilimizde Uyghur türklirining heqqaniy teleplirini qandurush we heq hoquqlirini, erkinliklirini kapaletke ige qilish üchün küch chiqirishni dawamlashturimiz.

Bu, Uyghur mesilisining tunji qétim türkiyining xitay bilen bolghan munasiwiti bilen birleshtürülüp bir siyasiy partiyining saylam wedilirining ichige qoyulushi bolup, bu türkiyidiki Uyghurlarni söyündürdi. Buninggha mutexessisler we ammiwi teshkilat mes'ulliri qandaq qaraydu?

Muxbirimiz bu heqte türkiyidiki siyasiy pa'aliyetchi hamid köktürk we mutexessis erkin ekremler bilen söhbetleshti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.