Türkiyining nigde wilayitide Uyghurlar heqqide doklat bérish yighini ötküzüldi

Süret, 17 - iyul küni, iskenderunluqlar jemiyiti bashliqi nurettinjan ependining yardimi astida türkiyining iskenderun shehride élip bérilghan 'sherqiy türkistan mesilisi' témisidiki yighilishtin bir kürünüsh.

Bu bir hepte ichide 3 üniwérsitétta sherqiy türkistan heqqide doklat bérish yighini ötküzüldi. Bu pa'aliyetler axbarat wasitiliri arqiliq tarqitilmaqta.

12 - Dékabir küni türkiyining ottura rayonigha jaylashqan nigde wilayitidiki nigde üniwérsitétida “Sherqiy türkistan mesilisi we türkiyide xitay medeniyet yil” mawzuluq doklat bérish yighini chaqirildi. Bu yighin'gha mektep rehberliridin proféssor doktor remzi qilich ependi, doktor xélil toqchan ependi, qubilay özjan ependi we oqutquchi, oqughuchilardin bolup 500 etrapida kishi qatnashti. Yighinda dunya Uyghur qurultiyi mu'awin bashliqi séyit tümtürk ependi bir yérim sa'et söz qilip, Uyghurlarning tarixi, bügünki weziyiti we Uyghurlarning xitay medeniyet yiligha bolghan köz qarishi heqqide toxtalghan.

Biz bu yighin heqqide téximu tepsiliy melumat élish üchün neq meydan'gha téléfon qilip söhbet élip barduq.