Türkiyidiki sherqiy türkistan ammiwiy teshkilatliri wilayet rehberliri bilen körüshti


2008-03-26
Share

Qeyseri sheher bashliqi mehmet ozhaseki ependi. RFA Photo / Erkin Tarim

Türkiyide aktip pa'aliyet élip bériwatqan sherqiy türkistan medeniyet we hemkarliq jem'iyiti ijra'iye hey'iti ezaliri türkiyining Uyghurlar eng köp olturaqlashqan wilayetliridin biri bolghan qeyseri wilayitining yéngi wezipige teyinlen'gen walisi mewlut biliji ependi bilen qeyseri sheher bashliqi mehmet ozhaseki ependini 25 ‏- mart küni ziyaret qildi.

Bu ziyaretke bashlamchiliq qilghan d u q ning mu'awin bashliqi séyit tümtürk ependi radi'omizgha bergen melumatida, olimpik mesh'ili türkiyidin ötüsh aldida turuwatqan, yéqinda tibette yüz bergen weqeler türkiye metbu'atlirida keng kölemde yer éliwatqan, buning bilen birlikte Uyghur mesilisimu dunya metbu'atlirida dawamliq yer éliwatqan bir mezgilde , bu xil uchrishishlarning muhim ikenlikini éytti.

Qeyseri wilayitining yéngi wezipige teyinlen'gen walisi mewlut biliji ependi. RFA Photo / Erkin Tarim

Séyit tümtürk ependi dunyaning her qaysi döletliride pa'aliyet élip bériwatqan sherqiy türkistan ammiwiy teshkilatlirining özliri pa'aliyet élip bériwatqan döletlerdiki her derijilik rehberlerni ziyaret qilip, sherqiy türkistan mesilisini, Uyghurlarning bügünki weziyitini anglitip turghan teqdirde, sherqiy türkistan mesilisining xelq'ara kün tertipige kélishige türtke bolidighanliqini, shunga özlirining burundin tartip bu xil pa'aliyetlerge alahide ehmiyet bérip kéliwatqanliqini we buning dawa üchün köp paydisi bolghanliqini éytti.

Teshkilatning ijra'iye hey'etliri we Uyghur aqsaqalliridin bolup 12 kishidin terkip tapqan bu hey'ettikiler wali we sheher bashliqigha sherqiy türkistan heqqide yézilghan kitab, zhurnal we gézitlerni bergendin bashqa, Uyghur kiyim ‏- kécheklirinimu sowgha qilghan. Bu ziyaret qizghin bir keypiyatta ötken bolup, hey'et ulargha xitay hökümitining tibet we Uyghurlargha qaratqan bésim siyasiti we Uyghurlarning bügünki weziyiti heqqide tepsiliy melumat bérip ötken.

Bu uchrishish heqqide tepsiliy melumat élish üchün, d u q ning mu'awin bashliqi séyit tümtürk ependi bilen söhbet élip barduq. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet