Д у қ һәйити түркийә парламентида сиясәтчиләр билән учрашти

Д у қ һәйити уйғур диярини зиярәт қилип кәлгән түркийә парламент әзалири билән көрүшүп, уларниң шу сәпири һәққидә сөһбәтләшти.

2010.11.24
dolet-ministiri-faruq-chelik-305.jpg Д у қ муавин башлиқи сейит түмтүрк, тәптиш һәйәт әзаси хәйруллаһ әфәндигил әпәндиләр түркий милләтләргә мәсул дөләт министири фаруқ челик әпәнди билән
RFA/Erkin Tarim

Йеқиндин бери түркийә билән хитай оттурисидики йеқинлишиш түркийидә паалийәт елип бериватқан шәрқий түркистан аммивий тәшкилатлирини биарам қилмақта. -10Айниң -8күни хитай баш министири вен җябав түркийини зиярәт қилғандин кейин -11айниң -28күни түркийә ташқи ишлар министири әхмәт давутоғлу башчилиқидики һәйәт уйғур диярини зиярәт қилған иди. Бу зиярәт җәрянида хитай һөкүмити билән немә мәсилиләр музакирә қилинди? улар уйғур диярини зиярәт қилғандин кейин немә тәсиратларға игә болди?

 Зиярәт әһвалини игиләш шундақла һазирқи вәзийәт һәққидә мәлумат бериш үчүн д у қ муавин башлиқи сейит түмтүрк, тәптиш һәйәт әзаси хәйруллаһ әфәндигил әпәндиләр -11айниң -23күни түркийә парламентида бир йүрүш учришиш паалийәтлирини елип барди.

Д у қ һәйити уйғур диярини зиярәт қилип кәлгән түркийә парламент әзаси ташқи мунасивәтләр комитети башлиқи мурат мәрҗан, санаәт министири зафәр чағлаян парламент әзаси ридван ялчин қатарлиқ кишиләр билән көрүшти. Булар билән көрүшкәндин башқа, түркий милләтләргә мәсул дөләт министири фаруқ челик әпәнди биләнму қисқа бир учришиш елип барди. 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.