Türkiye parlaménti mu'awin bashliqi sadiq yaqut xitay hey'itini qobul qildi

Yéqinda xitay kompartiyisi merkizi komitét siyaset tetqiqat merkizining bir hey'et ömiki türkiyide ziyaret élip bérishke bashlighan bolup, türkiye parlaménti mu'awin bashliqi sadiq yaqut bilen ötküzülgen söhbette Uyghur mesilisi otturigha qoyulghan. Xitay terep Uyghurlarning xitay-türkiye munaswetliridiki "köwrükluk roli " ni qobul qilidighanliqini bildürgen.
Ixtiyari muxbirimiz erkin tarim
2010-11-30
Share
song-quyang-305.jpg Xitay ömiki türkiye parlaménti muawin bashliqi sadiq yaqut bilen söhbette
Photo: RFA

Türkiye parlamenti mu'awin bashliqi sadiq yaqut ependi bügün yani 11-ayning 30-küni xitay kommunist partiyisi tetqiqat merkizi bashliqi song chüyang bashchiliqidiki hey'etni qobul qildi.
Türkiye parlaménti xewer tor bétining xewirige qarighanda, sadiq yaqut ependi xitay hey'itini qobul qilghanda türkiyining xitay bilen bolghan munasiwitini tereqqiy qildurushni arzu qilidighanliqini, yéqindin béri ikki dölet otturisidiki munasiwetning kücheygenlikini anglatqandin kéyin, Uyghurlar heqqide toxtilip mundaq dégen:

"Türkiye shinjyang Uyghur aptonom rayonini xitayning zémini dep qobul qilidu. Emma Uyghurlar bilen türkler qérindash, shunga Uyghurlarning teqdirige türkler alahide köngül bölidu. Biz Uyghurlarning öz heq we hoquqigha ige halda erkin, xitaylar bilen teng barawer bexit ichide yashishini telep qilimiz.

Türkiye parlaménti mu'awin bashliqi sadiq yaqut ependi sözining axirida Uyghurlarning türkiye bilen xitay otturisidiki munasiwette köwrüklük roli oynishi kéreklikini, türkiyining ürümchide sana'et rayoni qurushni oylawatqanliqini éytqan.

Kéyin xitay kommunist partiyisi tetqiqat merkizi bashliqi song chuyang söz qilip, shinjyangning xitayning ayrilmas bir parchisi ikenlikini, Uyghur rayonining bek téz tereqqi qiliwatqanliqini, shinjyangdiki her millet xelqining inaq we bextlik ikenlikini éytqan.

Xitay hey'iti bashliqi song chuyang türkiye parlaménti mu'awin bashliqi sadiq yaqutqa qilghan sözide, Uyghurlarning türkiye xitay munasiwitide köwrüklük roli oynashqa dawam qilidighanliqini, türkiyining ürümchide türk sana'et rayoni qurushini qollap quwetleydighanliqini éytqan.

2001-Yilidin béri türkiye dölet rehberliri xitay rehberliri bilen uchrashqanda dawamliq halda Uyghurlarning türkiye -xitay munasiwitide köwrüklük roli oynishi kéreklikini tekitlep kelmekte. 5-Iyul ürümchi weqesidin kéyin xitay rehberlirimu bu sözni tekitlimekte. Türkiye parlaménti mu'awin bashliqi sadiq yaqut xitay hey'itini qobul qilghandimu bu sözni tekitligen. Uyghurlar ular dégendek köwrüklük roli oynawatamdu yaki quruq shu'ar bolup qéliwatamdu? bu heqte köz qarishini élish üchün türkiye stratégiyilik chüshenche inistituti türkiye xitay munasiwetliri mutexessisi doktur erkin ekrem ependini ziyaret qilduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet