Türkiye jumhuriyiti re'isi abdullah gülning ürümchi ziyariti heqqide söhbet

Türkiye jumhuriyiti re'isi abdullah gülning xitaygha élip bériwatqan ziyariti 2 - künige kirdi. U bügün xitay dölet re'isi xu jintaw uchriship ikki döletning munasiwiti heqqide tepsili muzakire élip barghan.
Muxbirimiz erkin tarim
2009-06-25
Share
Abdulla-gul-Xu-jintaw-305 Türkiye jumhuriyiti reisi abdullah gülning xitay ziyaritidin bir körünüsh.
AFP Photo

Türkiyining eng chong téléwiziye we nopuzluq gézitliri bu heqtiki xewer we tehlillerge keng - kölemde yer bermekte.

Bügün türkiyining eng chong gézitliridin biri bolghan hürriyet, sabah, milliyet, radikal gézitlirida bu heqtiki xewerlerge orun bérildi. Hürriyet gézitidiki xewerde xitaylarning türklerge qorsiqi kenglik qilip türklerning qérindashliri Uyghurlar yashawatqan Uyghur rayonining ishikinimu achqanliqini, re'is jumhuri abdullah gülning Uyghur diyarigha élip baridighan ziyaritining türkiyige we Uyghurlargha payda élip kélidighanliqini ilgiri sürse, Uyghurlarning bezi tor betliride bolsa xitaylarning türklerning közini boyap égiz binalarni körsitip yolgha salidighanliqini, Uyghurlargha paydisi yoqliqini ilgiri sürmekte.

6 - Ayning 24 - küni türkiye re'is jumhuri abdullah gül béyjingda turup "trt" türk téléwiziyisining muxbirining so'allirigha bergen jawablirida ikki döletning iqtisadiy tijariy munasiwetlirini tilgha élip, Uyghur mesilisini tilgha almidi.

Emma ishenchilik menbelerdin alghan melumatlargha asaslan'ghanda abdullah gül Uyghurlar heqqide tetqiqat élip bériwatqan mutexessislernimu élip ketken. Bular némining bishariti? abdullah gülning ürümchige ziyaret élip bérishi türk metbu'atlirida dégendek Uyghurlar üchün paydiliqmu?

Bu heqtiki köz qarishini élish üchün türkiyide tonulghan türkiye xitay munasiwetliri mutexessisi dotsént dr. Erkin ekrem bilen söhbet élip barduq. 
   
Yuqiridiki awaz ulinishidin, bu söhbet xatirisining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet