'Türkiyide xitayni chüshinish' pa'aliyiti qeyseride ötküzülmeydiken

Türkiyide xitayni chüshinish pa'aliyiti 10 - ayning 17 - küni enqerede resmiy bashlan'ghan bolup, bir heptidin béri enqere we istanbul qatarliq sheherlerde her xil pa'aliyetler bilen dawamlashmaqta.
Muxbirimiz erkin tarim
2010-10-22
Share
uyghur-dolan-meshripi-turkiyide-305 10 - Ayning 17 - küni "türkiyide xitayni chüshinish" paaliyiti resmiy bashlanghan bolup, sürette, xitay uyushturghan bu paaliyette uyghur senetchiler dolan usuli oynimaqta.
RFA Photo / Erkin Tarim

Hazirghiche Uyghur naxsha - usul ömiki oyun qoydi, türkiye - xitay munasiwiti heqqide ilmiy muhakime yighini ötküzüldi, xitay tamaqliri bayrimi namida pa'aliyetler élip bérildi.

Programma boyiche buningdin kéyin yazghuchilar uchrishish, türk zhurnalistlar xitayda, xitay zhurnalistlar türkiyide ziyaret élip bérish, téléwiziye programmiliri heptisi, türkiyidiki bezi üniwérsitét we tetqiqat merkezlirige xitayche kitab soghat qilish pa'aliyetliri ötküzilidiken.
xitayni-his-qilish-paaliyitii-305
Süret, 'türkiyide xitayni chüshinish' paaliyiti teshwiqat taxtisi.
RFA Photo / Erkin Tarim

Xitayni chüshinish pa'aliyitini ötküzüsh üchün teyyarliq xizmiti 6 ay burun bashlan'ghan idi. Hetta xitay elchisi gung bir qanche qétim qeyseri sheher bashliqi we qeyseri walisi bilen uchriship, qeyseridimu xitayni chüshinish pa'aliyiti élip bérishni qarar qilghan idi. Emma resmiy tarqitilghan programmida qeyseri yoq.

Türkiyide xitayni chüshinish pa'aliyitige Uyghurlarni yéqin keltürmeywatidu. Uning üstige xitaylar türkiyide qorqqan halda pa'aliyet ötküzmekte. Uyghur sen'etchiler istanbulda oyun qoyghanda istanbulda kochilarda mal sétip tijaret qiliwatqan xitaylarni ekilip Uyghurche numurlarni körsetken bolsimu, istanbuldiki Uyghurlarni zalgha kirgüzmigen.

Bu pa'aliyetke xitay intayin ehmiyet bériwatqan bolsimu türkiye hökümiti we türk xelqining qiziqishi yoq. Türk metbu'atlirida nahayiti az yer bérilmekte.

Undaqta xitaylar kütken ümidige yételidimu? xitayning Uyghur sen'et ömikining programmilirini Uyghurlargha körsetmeslikidiki seweb néme? xitay qeyseridiki pa'aliyitini néme üchün emeldin qaldurdi? bu pa'aliyetning ikki dölet otturisidiki munasiwetni tereqqi qildurushqa néme paydisi bolar? dégen'ge oxshash su'allargha jawab tépish üchün munasiwetlik kishiler bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.