Türkiye - xitay ministirliri térrorgha qarshi küreshte hemkarlishish heqqide muzakirileshti

Xitay jama'et xewpsizlik ministiri méng jyenju 5 - ayning 24 - künidin 28 - künigiche türkiyide élip barghan resmiy ziyaritini axirlashturup xitaygha qaytti. U 5 - ayning 27 - küni türkiye ichki ishlar ministiri béshir atalay bilen élip barghan uchrishishida, ikki dölet saqchi idariliri otturisidiki hemkarliqni kücheytish toghrisida muzakire élip barghan.
Muxbirimiz erkin tarim
2009-05-29
Share
Meng-Xitay-Besir-Atalay-305 Xitay jamaet xewpsizlik ministiri méng jyenju 5 - ayning 24 - künidin 28 - künigiche türkiyide élip barghan resmiy ziyariti jeryanida, türkiye ichki ishlar ministiri béshir atalay bilen söhbet élip barghan bolup, sürette, ikki ministir qizghin söhbette.
www.besiratalay.net Din élindi. Erkin Tarim

Ishenchlik menbelerdin alghan melumatlargha asaslan'ghanda, türkiye ichki ishlar ministiri béshir atalay bilen xitay jama'et xewpsizlik ministiri méng jyenju otturisida élip bérilghan muzakiride, 2000 - yili 2 - ayning 14 - küni tüzülgen xelq'araliq térrorgha qarshi küreshte hemkarlishish toxtamnamisi bilen 2003 - yili 9 - ayning 4 - küni tüzülgen xewpsizlik saheside hemkarliqni kücheytish kélishimi heqqide muzakire élip bérilghan.

Ikki dölet ichki ishlar ministirliri térror we bölgünchilikke qarshi küreshte hemkarlishish heqqidimu muzakire élip barghan.

Béshir atalay ependi türkiyining 58 dölet bilen térrorgha qarshi küreshte hemkarlishish toxtamnamisi barliqini, bularning birining xitay ikenlikini éytqan we hökümitining xitay bilen bolghan munasiwetke alahide ehmiyet bériwatqanliqini, türkiye re'is jumhuri abdullah gülning 6 - ay ichide resmiy ziyaret üchün xitaygha baridighanliqini éytqan.

Ishenchlik menbelerdin igiligen melumatlargha qarighanda, bu qétimqi uchrishishta xitay jama'et xewpsizlik ministiri méng jyenju, türkiye hükümitidin türkiyide pa'aliyet élip bériwatqan sherqiy türkistan teshkilatliri we Uyghur pa'aliyetchilerning pa'aliyetlirini tosushini telep qilghan.

Türkiye ‏ - xitay munasiwetliri mutexessisi doktor erkin ekremning déyishiche, 5 - ayning 21 - kuni türkiyige resmiy ziyaret üchün kelmekchi bolghan xitay bash ministiri win jyabaw, ziyariti jeryanida türkiye hükümitige, türkiyide pa'aliyet élip bériwatqan sherqiy türkistan ammiwiy teshkilatlirini we pa'aliyetchilerni térrorchi dep bérishni telep qilmaqchi bolghan shundaqla türkiye parlaméntida nutuq sozleshnimu telep qilghan. Türkiye hükümiti bu teleplirini qobul qilmighachqa ziyaret tarixi kéchiktürülgen.

Doktor erkin ekrem ependi xitaylarning türk puqrasi bolmighan bezi Uyghurlarni türkiyidin élip kétishke tirishiwatqanliqini, emma türkiyining yawrupa birliki toxtamnamilirigha qol qoyghan dölet bolghachqa, xitayning bu niyitini emelge ashuralmaydighanliqini éytti.

Biz bu heqte téximu tepsiliy melumat élish uchun doktor erkin ekrem ependi bilen söhbetleshtuq.

Yuqiridiki awaz ulinishidin, bu heqtiki söhbitimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet