Про. Доктор үмид өздағ әхмәт давудоғлуниң зиярити һәққидә тохталди

Түркийә ташқи ишлар министири әхмәт давудоғлу үрүмчидики зияритини тамамлап шиәнгә қарап учқан. У қәшқәрдә мухбирларға бәргән баянатида, "түркийә - хитай мунасивитиниң тәрәққий қилиши уйғур аптоном районидики қериндашлиримиз үчүнму көп пайдилиқ" дегән.
Мухбиримиз әркин тарим
2010-10-29
Share
Ahmet-davutoglu-qeshqerde-305 Сүрәт, түркийә ташқи ишлар министири әхмәт давудоғлу вә айали мәһмут қәшқири сүрити алдида.
www.worldbulletin.net Дин елинди.

Түркийә т р т телевизийиси мухбири ләвәнт улучәр бейҗиңдин әвәткән хәвәрдә ейтилишичә, түркийә ички ишлар министири бешир аталай әпәндиму бейҗиңда хитай җамаәт хәвпсизлик министири мең җйәнҗу билән әткәсчилик, қанунсиз көч, хәлқара җинайәт вә террорлуққа қарши күрәштә һәмкарлиқ қатарлиқ мәсилиләр һәққидә музакирә елип барған.
    
Түркийә 21 - әсир енистетути башлиқи профессор доктор үмид өздағ әпәнди түркийә - хитай мунасивитиниң тәрәққи қиливатқанлиқини, әмма һазирғичә буниң уйғурларға пайда елип кәлмигәнликини ейтип мундақ деди: "түркийә, хитай билән болған мунасивитини уйғурларғиму пайда елип келидиған һалда орнитилса, у вақитта ташқи ишлар министириниң баянати бизни мәмнун қилиду. Әмма, һазирғичә түркийә - хитай мунасивитидики тәрәққиятниң уйғурларға пайда елип кәлгәнликини көрүп бақмидуқ. Әгәр түркийә ташқи ишлар министирлиқиниң уйғурларға пайда йәткүзүш мәқсити болса, буниң үчүн алаһидә күч чиқириши керәк. Бу пәқәтла икки дөләт оттурисидики сиясий, иқтисадий, тиҗарий мунасивәтләр тәрәққий қиливатиду дегән биләнла болмайду. Чүнки хитай бир тәрәптин түркийә билән болған мунасивитини тәрәққий қилдурса, йәнә бир тәрәптин уйғурларға болған бесиминиму күчәйтиватиду."

Профессор доктор үмид өздағ әпәнди түркийиниң хитай һөкүмитигә давамлиқ һалда уйғур мәсилисини тәкитләп туруши керәкликини ейтип мундақ деди: "түркийә уйғур мәсилисигә әһмийәт бериватқанлиқини бейҗиң һөкүмитигә давамлиқ һалда әскәртип туруши керәк."

Профессор доктор үмид өздағ әпәнди йәнә, түркийә ички ишлар министири бешир аталайниң хитай җ х министири билән бу қетим елип барған музакирисиниң уйғурларға роһий җәһәттин зиян селиштин башқа һечбир роли йоқлуқини ейтип мундақ деди: "бу музакириниң мәзмунини билмәймән. Хитай п к к террор тәшкилатиға қарши түркийигә қандақ ярдәм қилар буниңға гуман билән қараймән. Хитайниң террор хәвпи астида әмәсликиниму яхши билимиз. Түркийә хитайға қандақ ярдәм қилиду. Булар ениқ әмәс. Түркийә ички ишлар министири бешир аталай бейҗиңда елип бериватқан бу музакиридин һич немә чиқмайду. Бу хил музакириләр пәқәтла символлуқ әһмийәткә игә. Бу уйғурларға роһий җәһәттин зиян бериду."

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт