Pro. Doktor ümid özdagh exmet dawud'oghluning ziyariti heqqide toxtaldi

Türkiye tashqi ishlar ministiri exmet dawud'oghlu ürümchidiki ziyaritini tamamlap shi'en'ge qarap uchqan. U qeshqerde muxbirlargha bergen bayanatida, "türkiye - xitay munasiwitining tereqqiy qilishi Uyghur aptonom rayonidiki qérindashlirimiz üchünmu köp paydiliq" dégen.
Muxbirimiz erkin tarim
2010-10-29
Share
Ahmet-davutoglu-qeshqerde-305 Süret, türkiye tashqi ishlar ministiri exmet dawudoghlu we ayali mehmut qeshqiri süriti aldida.
www.worldbulletin.net Din élindi.

Türkiye t r t téléwiziyisi muxbiri lewent ulucher béyjingdin ewetken xewerde éytilishiche, türkiye ichki ishlar ministiri béshir atalay ependimu béyjingda xitay jama'et xewpsizlik ministiri méng jyenju bilen etkeschilik, qanunsiz köch, xelq'ara jinayet we térrorluqqa qarshi küreshte hemkarliq qatarliq mesililer heqqide muzakire élip barghan.
    
Türkiye 21 - esir énistétuti bashliqi proféssor doktor ümid özdagh ependi türkiye - xitay munasiwitining tereqqi qiliwatqanliqini, emma hazirghiche buning Uyghurlargha payda élip kelmigenlikini éytip mundaq dédi: "türkiye, xitay bilen bolghan munasiwitini Uyghurlarghimu payda élip kélidighan halda ornitilsa, u waqitta tashqi ishlar ministirining bayanati bizni memnun qilidu. Emma, hazirghiche türkiye - xitay munasiwitidiki tereqqiyatning Uyghurlargha payda élip kelgenlikini körüp baqmiduq. Eger türkiye tashqi ishlar ministirliqining Uyghurlargha payda yetküzüsh meqsiti bolsa, buning üchün alahide küch chiqirishi kérek. Bu peqetla ikki dölet otturisidiki siyasiy, iqtisadiy, tijariy munasiwetler tereqqiy qiliwatidu dégen bilenla bolmaydu. Chünki xitay bir tereptin türkiye bilen bolghan munasiwitini tereqqiy qildursa, yene bir tereptin Uyghurlargha bolghan bésiminimu kücheytiwatidu."

Proféssor doktor ümid özdagh ependi türkiyining xitay hökümitige dawamliq halda Uyghur mesilisini tekitlep turushi kéreklikini éytip mundaq dédi: "türkiye Uyghur mesilisige ehmiyet bériwatqanliqini béyjing hökümitige dawamliq halda eskertip turushi kérek."

Proféssor doktor ümid özdagh ependi yene, türkiye ichki ishlar ministiri béshir atalayning xitay j x ministiri bilen bu qétim élip barghan muzakirisining Uyghurlargha rohiy jehettin ziyan sélishtin bashqa héchbir roli yoqluqini éytip mundaq dédi: "bu muzakirining mezmunini bilmeymen. Xitay p k k térror teshkilatigha qarshi türkiyige qandaq yardem qilar buninggha guman bilen qaraymen. Xitayning térror xewpi astida emeslikinimu yaxshi bilimiz. Türkiye xitaygha qandaq yardem qilidu. Bular éniq emes. Türkiye ichki ishlar ministiri béshir atalay béyjingda élip bériwatqan bu muzakiridin hich néme chiqmaydu. Bu xil muzakiriler peqetla simwolluq ehmiyetke ige. Bu Uyghurlargha rohiy jehettin ziyan béridu."

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet