Xitay, Uyghur naxsha - ussul ömiki bilen türkiyige kélip oqughuchilargha oqush puli tarqatti

Atalmish Uyghur aptonom rayonluq hökümet hey'iti Uyghur naxsha - ussul ömiki bilen istanbulgha kélip bezi Uyghur we qazaq oqughuchilargha oqush puli tarqatti we 11 - ayning 18 - 19 - künliri istanbulning yénibosna rayonidiki proféssor mümtaz tarxan ijtima'i penler toluq ottura mektipining zalida ikki meydan oyun qoydi.
Muxbirimiz erkin tarim
2011-11-21
Share
erkin.png Xitayning türkiyediki oqush puli tarqitish yighinidin bir körünüsh
RFA
Atalmish Uyghur aptonom rayonluq hökümet hey'iti Uyghur naxsha - ussul ömiki bilen istanbulgha kélip bezi Uyghur we qazaq oqughuchilargha oqush puli tarqatti we 11 - ayning 18 - 19 - künliri istanbulning yénibosna rayonidiki proféssor mümtaz tarxan ijtima'i penler toluq ottura mektipining zalida ikki meydan oyun qoydi.

19 - Noyabir künidiki konsirtning échilish murasimida xitay bash konsoli jang chingyang söz qilip, xitayning Uyghur we qazaq muhajirliridin hal sorash üchün bu sen'et ömikining istanbulgha kelgenlikini éytqan. Ömek bilen birge kelgen aptonom rayonluq hükümetning tashqi ishlar ishxanisi mudiri wu shyen, mu'awin mudiri eli qatarliq kishiler, 11 - ayning 18 - küni xitayning istanbul konsolxanisida Uyghur we qazaq oqughuchilargha oqush mukapat puli tarqitish yighini chaqirghan. Bash konsol jang chingyang riyasetchilik qilghan bu yighin'gha istanbuldiki Uyghur karxanichilar jem'iyiti bashliqi sabir bughda, qazaq weqpi mes'ulliri, we xitay konsolidin oqush puli alghili kelgen adiljan ablet bashchiliqidiki az sanda Uyghur we qazaq oqughuchilar qatnashqan.

Xitayning istanbul konsoli tor bétidiki xewerge asaslan'ghanda, atalmish Uyghur aptonom rayonluq xelq hökümiti tashqi ishlar ishxanisining mu'awin mudiri eli, oqughuchilargha oqush puli tarqitish murasimida, xitay hökümitining Uyghurlargha élip bériwatqan siyasiti heqqide söz qilghan. Kéyin oqush puli alghan adiljan ablet ependi söz qilip, “ Ulugh wetinimning bu ghemxorliqini hergiz unutmay, téximu tiriship oquymen ” dégen. Atalmish Uyghur aptonom rayonluq hökümet hey'itining Uyghur sen'et ömikini bashlap, yaponiyidin kéyin türkiyining istanbul shehirige kélip bezi Uyghur, qazaq oqughuchilargha oqush puli tarqitishi, Uyghurlar arisida qattiq ghulghula peyda qildi. Xitay da'iriliri 2010 - yili Uyghur naxsha - ussul ömiki kelgende Uyghurlarni zalgha kirgili qoymighan idi. Emma bu yil Uyghurlar 500 kishilik zalni liq toldurup, dangliq naxshichi abdullah abduréhimn “ Wetinim ”, “ Zerepshan ” dégen naxshlirini anglap weten hesriti bilen köz yéshi tökti. Tamashibinlar dangliq ussulchi aman'gül sidiqning ussulini gülduras alqishlar bilen kördi.

Xitayning chet'eldiki Uyghurlarni özige tartish siyasitidiki meqsiti néme? xitay bu siyasitini Uyghur diyaridiki Uyghurlarghimu élip bararmu dégen'ge oxshash so'allargha jawab tépish üchün doktor erkin ekrem ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet