Xelq'araliq mehmut qeshqiri hékaye musabiqisi resmiy bashlandi

2008 - Yilining mehmut qeshqiri tughulghanliqining 1000 - yilliqi munasiwiti bilen türkiye yawro'asiya yazghuchilar jem'iyiti xelq'araliq mehmut qeshqiri hékaye yézish musabiqisi ötküzmekchi. Bu musabiqe yawro'asiya yazghuchilar jemiyitining riyasetchilikide, ezerbeyjan, rusiye fédératsiyisi, xitay, iraq, iran, qazaqistan, qirim, qirghizistan, özbékistan, tataristan, türkmenistan, grétsiye we balqan döletliride neshir qiliniwatqan edebiyat jurnalliri we yazghuchilar jemiyetliri bilen hemkarlashqan halda élip bérilidiken.
Muxbirimiz erkin tarim xewiri
2008-04-11
Share
Muxmut-qeshqeri-150
Mexmut qeshqiri yilining simowoli.
 Bu musabiqe üchün ewetilgen maqalilar 17 kishidin terkip tapqan bahalash hey'iti teripidin bahalinidighan bolup, hékayisi birinchi bolup bahalan'ghan kishige 6000 yawro, ikkinchige 4000 yawro, üchinchi bolup bahalan'ghan kishige bolsa 2000yawru mukapat bérilidiken. Ilhamlandurush mukapatigha érishken üch kishige 1000 yawrodin pul bérilidiken.

    Bu musabiqigha qatnashquchilar diqqet qilishqa tégishlik ishlar:
1.    Musabiqigha qatnishishni xalighanlar hékayilirini pochta yaki éléktronluq pochta arqiliq ewetse bolidiken.
2.    Musabiqigha qatnishidighan maqalilar élan qilinmighan maqalilar bolushi kérek iken.
3.    Hékayini xalighan témida yézishqa bolidiken.
4.    Maqale 30-35 ming sözdin terkip tapqan bolushi kérek iken.
5.    Maqalide aptorning rumuzi yézilghan bolushi, ismi yaki adrési yézilmasliqi kérek iken.
6.    Musabiqigha qatnashquchi rumuzini, adrésni, qisqiche terjimhalini, bir parche resimini ayrim bir lipapigha  qoyup töwendiki adrésqa ewetishi kérek iken.
7.    Maqalini qeghezge 6 nusxa yazdurup "s d" ge élip ewetishi kérek iken.
8.    Musabiqigha ewetilgen maqalilar, toplam qilip neshir qilinip tarqitilidiken.

 Xelq'araliq mehmut qeshqiri hékaye musabiqisining bahalash hey'iti ezerbeyjanliq dangliq yazghuchi anar, balqan döletliridin zeynel beksach, iraqtin omer qazanchi, qazaqistandin fadil ali, qirghizistandin egenberdi askarow, özbékistandin tahir qahar, türkiyidin sha'ir ali aqbash, türkmenistanliq dangliq yazghuchi oraz yaghmur, Uyghur diyaridin yüsüpjan yasin qatarliq kishilerdin terkip tapqan.

Xelq'araliq mehmut qeshqiri hékaye musabiqini ötküzüshtiki meqsiti heqqide tepsili melumat élish üchün yawro'asiya yazghuchilar jem'iyiti bashliqi yaqup déli'ömeroghli ependi bilen söhbet élip barduq.

Yawro'asiya yazghuchilar jem'iyiti bashliqi yaqup déli'ömeroghli ependi xelq'araliq mehmut qeshqiri hékaye musabiqini ötküzüshtiki meqsiti üstide toxtilip mundaq dédi: "
Sizgimu melum bolghinidek 2008 - yili mehmut qeshqiri tughulghanliqining 1000 - yili. Uneskomu 2008 - yilini `mehmut qeshqiri yili` dep élan qildi. Bizmu 2007 - yilining axirida 2008 - yilini `mehmut qeshqiri yili` dep qarar qilghan iduq. Türkiy tillar diwani türkiy milletler üchün nahayiti muhim bir eser. Shunga 2008 - yili pütün türk dunyasi üchün nahayiti muhim bir yil. Biz bu yil munasiwiti bilen xelq'araliq mehmut qeshqiri hékaye musabiqisi ötküzüshni muwapiq körduq."

Yaqup déli'ömeroghli ependi Uyghurlar bu musabiqigha qandaq qatnishalaydu dégen so'alimizgha jawab bérip mundaq dédi: "her bir türkiy milliti üchün ayrim bir bahalash hey'iti quruwatimiz. Bu téxi qurulup bolmidi. Türkiye, ezerbeyjan, qirim qatarliq yerlerde maqalini bahalash guruppisini qurup bolduq, emma Uyghur rayonida téxi qurup bolalmiduq. Eng qisqa waqit ichide buni qurimiz. Uyghurche maqale yazghan kishiler aldi bilen Uyghur bahalash guruppisigha maqalisini ewetidu. Bu maqalilarni bahalap 1 - 2 - 3 - bolghanlarni bizge bildüridu. Birinchi bolghan kishi herqaysi türkiy milletlerdin birinchi bolghanlar bilen sélishturulidu. Bularning ichide derijige kirelise mehmut qeshqiri hékaye yézish musabiqisi mukapatigha érishelmeydu. Uyghurlar arisidiki musabiqida derijige kirgenlergimu pul mukapati bérilidu."

Uyghur diyaridiki qaysi idare bilen hemkarlishiwatisiler dégen so'alimizgha jawab bergen yaqup déli'ömeroghi téxi muzakire élip bériliwatqanliqini éytip mundaq dédi: "
Bir zhurnal bilen alaqe ornitiwatimiz. Téxi éniq bolmighachqa ismini démey turay. Uyghur tilida yézilghan maqalilarni bahalash guruppisini sherqiy türkistanda qurup musabiqigha ewetilgen maqalilerni u yerde bahalimaqchi."

Yaqup déli'ömeroghli ependi bizge bergen melumatida, bu musabiqigha peqetla türkiy milletlerning emes, pütün milletlerning qatnishalaydighanliqini, türkche maqale yazghanlarning türkiyidiki yawru'asya yazghuchilar jem'iyitige ewetishi kéreklikini éytti. Türkche maqale yazghanlarning maqalisini ewetish waqti 7 - ayning 30 - künigiche bolup, netije 2008 - yili 8 - ayning 30 - küni élan qilinidiken.

 Türkche hékaye yazghanlar yaki bu musabiqe heqqide tepsili melumat élishni xalighanlar töwendiki adrés bilen alaqe qursa bolidu.

Jeyhun atif kansu jaddesi 45 - sokak 13/2 balgat ankara, türkiye téléfon 90 - 312 - 287 80 43

Tor béti adrésliri: www.ayb.org.tr We www.kasgarlimahmut.org Él - xet : kh1000hy@gmail.com  
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet