Түркийә уйғурлири қурбан һейтини шат - хурамлиқ ичидә өткүзмәктә

Бүгүн, 12 - айниң 8 - күни, пүтүн дунядики бир йерим милярт мусулман муқәддәс қурбан һейтни тәнтәнә билән күтүвалди.
Мухбиримиз әркин тарим
2008-12-08
Share
Ankara-heyt-namizi-305.jpg 12 - Айниң 8 - күни, түркийиниң коҗатөпә мәсчитидики қурбан һейт намизидин бир көрүнүш.
RFA Photo

Бу мубарәк күндә, мусулманларниң әң бүйүк арзуси болса, һейт намизини исламниң шәртлири бойичә көңүллүк оқуш, шундақла намаздин йенип қәбристанлиққа берип түгәп кәткән ата - ана, уруқ - ‏туғқан вә дост ‏ - ярәнлириниң тупрақ бешида олтуруп қираәт оқуш арқилиқ, уларниң роһиға алладин шатлиқ тиләштин шундақла бир бири билән һейтлишиш арқилиқ һал әһвал сораш, өз ара ярдәмлишиштин ибарәт.

Бу, мусулманлар үчүн әң зор мәниви хошаллиқтур. Бүгүн йәни 12 - айниң 8 - күни түркийидики 73 милйон мусулман тәнтәнилик һалда қурбан һейти башливәтти.

Түркийидики мусулманлар бүгүн әтигән қурбан һейт намизини қилғандин кейин ата - ана вә йеқинлириниң тупрақ бешиға берип қираәт оқуғандин кейин қурбанлиқлирини союп, бир бири билән һейтлишишқа башлиди.

Қурбан һейтта түркийидә 9 күн тәтил болуп, бу 9 күн җәрянида ачлар тойиду, вапат болғанлар хатирилиниду, чоңларниң қолиға, кичикләрниң маңлийиға сөйүлиду, кичикләргә байрамлиқ пул берилиду, қисқиси қурбан һейт һәммә инсан хушаллиққа чөмидиған бир ай. Ундақта түркийиниң истанбул, әнқәрә вә қәйсәри қатарлиқ җайлирида олтурақлаш уйғурлар бу қурбан һейтни қандақ өткүзүватиду? түркийидә паалийәт елип бериватқан шәрқий түркистан аммиви тәшкилат мәсуллири һейт мунасивити билән дунядики уйғурларға немә демәкчи? түркийидә оқуватқан уйғур оқуғучиларчу?

Юқиридики аваз улинишидин, мухбиримиз әркин таримниң бу һәқтә тәйярлиған программисиниң тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт