'Yiraq asiyadin yéqin asiyaghiche qedimqi türk tili' mawzuluq xelq'araliq yighin türkiyide échilmaqta

Süret, 11 - ayning 18 - künidin 20 - künigiche türkiyining afyon shehiride dawam qilidighan, 'xelqaraliq yiraq asiyadin yéqin asiyaghiche qedimqi türk tili ilmiy muhakime yighini" ning élan süriti.

Bu yighin'gha meshhur türkologlardin proféssor doktor igor kormushin, proféssor doktor osawa takashi, proféssor doktor sema barutju özönder, proféssor doktor ehmet bijan erjilasun qatarliqlarmu qatnashmaqta.

Bu ilmiy muhakime yighinida Uyghurlardin doktor dilara israpil "xitayda qedimqi Uyghur tili heqqide élip bérilghan bezi yéngi tetqiqatlar" témisida, doktor raziye nuri xanim bolsa "xitaychidin qedimqi Uyghur tiligha terjime qilishtiki bezi mesililer" témisida söz qilidiken.

Bu qétimqi yighinda yéngi tépilghan qedimqi Uyghurche tékistlar heqqidimu köp sanda maqale oqulidiken.

Bu yighinni türkiye jumhuriyiti til tetqiqat idarisi bilen afyon qojatepe uniwérsitéti hazirqi zaman türkiy tilliri we edebiyatliri bölümi ortaqliship uyushturghan bolup, bu yighin heqqide tepsiliy melumat élish üchün türkiye til tetqiqat idarisi bashliqi proféssor doktor shükrü xaluq aqalin ependi bilen söhbet élip barduq.

Yuqiridiki awaz ulinishidin, proféssor doktor shükrü xaluq aqalin ependi bilen ötküzgen söhbitimizning tepsilatini anglaysiler.