Türkiye dölet téléwiziyiside `sherqiy türkistan mesilisi`

2008 - Yili béyjing olimpik musabiqisini bahane qilip turup xitaylarning Uyghurlargha élip barghan bésim siyasitige türkiye metbu'atliri alahide yer berdi.
Muxbirimiz erkin tarim
2008-11-25
Share
Tur-dolet-TV-uyg-mesile-305.jpg 11 - Ayning 24 - küni, . TRT , yeni türkiye dölet téléwiziyiside bérilgen `merhaba dunya` namliq 45 minutluq programmida uyghur mesilisige mexsus yer bérilgen bolup, süret, shu künki programmining sehne körünüshi.
RFA Photo / Erkin Tarim

2008 - Yilining mehmut qeshqiri yili dep élan qilin'ghanliqimu mehmut qeshqiri bilen birlikte Uyghur mesilisiningmu türk metbu'atlirida alahide yer bérilishige seweb boldi. TRT , yeni türkiye dölet téléwiziyisi, 11 - ayning 24 - küni bérishke bashlighan `merhaba dunya` namliq 45 minutluq programmida Uyghur mesilisige mexsus yer bérildi.

Prof. Dr. Chétin elmas ependi bilen qirghizistanliq berqan xanim riyasetchilik qilghan bu programma 11 - ayning 24 - küni türkiye waqti chüshtin kéyin sa'et 5te tarqitildi. Bu programmigha enqere hajettepe uniwérsitéti tarix oqutquchisi dr. Erkin ekrem ependi bilen qeyserilik Uyghur muzikant abdullah köse ependiler qatnashti. `Merhaba dunya` namliq bu programma neq meydandin tarqitilghan programma bolup, programma jeryanida téléwiziye körgüchiler dunyaning her qaysi jayliridin téléfon qilip köz qarashlirini bayan qilishti.

`Merhaba dunya` programmisining riyasetchisi prof. Dr. Chétin elmas ependi aldi bilen bu programmini tonushturup mundaq dédi: " bügün sherqiy türkistanliq méhmanlirimiz bar. Bügünki programimizda sherqiy türkistan heqqide söhbet qilimiz. Situdi'omizda hajettepe uniwérsitéti oqutquchisi yardemchi dotsént dr. Erkin ekrem ependi bilen qeyserilik muzika mu'ellimi Uyghur muzikant abdullah köse biz bilen bille. U bizge Uyghur muzikiliridin örnekler sunidu."

45 Minutluq bu programmida Uyghurlarning tarixi we bügünki mesililiri heqqide söhbet élip bérilghandin bashqa Uyghur naxshiliridin örnekler sunuldi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet