Türkiyining tokat wilayitide 'sherqiy türkistan we xitayning zulumi' témisida yighin chaqirildi

Türkiyining tokat wilayitide 12 - ayning 11 - küni chüshtin kéyin "sherqiy türkistan we xitayning zulumi" témisida doklat bérish yighini chaqirilghan.
Muxbirimiz erkin tarim
2009-12-16
Élxet
Pikir
Share
Print
Süret, türkiyining tokat wilayitide 12 - ayning 11 - küni chüshtin kéyin chaqirilghan "sherqiy türkistan we xitayning zulumi" témisida doklat bérish yighinidin bir körünüsh.
Süret, türkiyining tokat wilayitide 12 - ayning 11 - küni chüshtin kéyin chaqirilghan "sherqiy türkistan we xitayning zulumi" témisida doklat bérish yighinidin bir körünüsh.
RFA Photo / Erkin Tarim

Bu yighinda tokat ghazi mustafa kamal uniwérsitéti teripidin alahide teklip qilin'ghan d u q mu'awin bashliqi, séyit tümtürk ependi doklat bergen. Séyit tümtürk ependi sözge bashlashtin burun Uyghurlarning tarixi, yer asti yer üsti bayliqliri we bügünki weziyiti anglitilghan höjjetlik filim körsitilgen.

Kéyin séyit tümtürk ependi nuqtiliq halda ürümchi weqesining meydan'gha kélish sewebliri we ürümchi weqesidin kéyin, 17 Uyghurgha bérilgen ölüm jazasi heqqide toxtalghan. U hazir xitay türmiside yétiwatqan bigunah Uyghurlarning qoyup bérilishi, Uyghurlargha élip bériliwatqan ölüm jazasining toxtitilishi üchün dunya döletlirining shundaqla türkiyining xitay hökümitige bésim ishlitishi kéreklikini éytqan.

Yighin axirida ghazi osman pasha uniwérsitéti mudiri, prof. Dr. Zéhra séyfikli xanim séyit tümtürkke rexmet éytip teqdirname bergen.

Yighin'gha 500 etrapida kishi qatnashqan. Tokat ziyariti jeryanida muxbirlarni kütüwélish yighinimu chaqirghan séyit tümtürk ependi, tokat wilayitidiki "qanal 60 téléwiziye" qanilida bir sa'etlik programmigha qatnashqan.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet