0:00 / 0:00
يىغىنغا 500 ئەتراپىدا كىشى قاتناشقان. يىغىندا د ئۇ ق مۇئاۋىن رەئىسى سېيىت تۈمتۈرك ئەپەندى دوكلات بەرگەن. يىغىن باشلىنىشتىن ئىلگىرى كۈتاھيا ۋالىسى سېيىت تۈمتۈرك ئەپەندىنى ئىشخانىسىدا قوبۇل قىلىنغان ۋە مۇخبىرلارنى كۈتۈۋېلىش يىغىنى چاقىرغان.
سېيىت تۈمتۈرك ئەپەندى، تۈنۈگۈن كەچ، كۈتاھيا ۋىلايىتىدىكى بىرلىك تېلېۋىزورىدا بىر سائەتلىك پروگراممىغا قاتناشقان. 5 - ئىيۇل ئۈرۈمچى ۋەقەسىدىن كېيىن، تۈركىيىدىكى ھەرقايسى ئۇنىۋېرسىتېتلار ئارقا - ئارقىدىن ئۇيغۇرلار ھەققىدە دوكلات بېرىش يىغىنلىرى چاقىرىلماقتا.
د ئۇ ق مۇئاۋىن رەئىسى سېيىت تۈمتۈرك ئەپەندى يېقىندىن بېرى ئىستانبۇل، ئاناتولىيە، غازىئانتېپ، خاتاي، ئەنقەرە قاتارلىق ۋىلايەتلەردە ئۇيغۇرلار ھەققىدە دوكلات بەردى.
يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.