بۇ كىشىلەردىن بىرى ياپونىيىدە تۇرۇشلۇق ئۇيغۇر زىيالىيسى تۇرمەمەت ھاشىم ئەپەندىدۇر. ئۇ 1985-يىلى بېيجىڭ يېزا ئىگىلىك ئۇنىۋېرسىتېتىنى پۈتتۈرگەندىن كېيىن، ئۈرۈمچىدىكى يېزا ئىگىلىك ئۇنىۋېرسىتېتىدا ئوقۇتقۇچىلىق قىلىشقا باشلىغان. 1994-يىلى ئوقۇش ئۈچۈن ياپونىيىگە بارغان. 1999- يىلى ياپونىيە شىيۇ ئۇنىۋېرسىتېتىدا ماگىستىرلىق ۋە دوكتورلۇق ئۇنۋانلىرى ئۈچۈن ئوقۇغان. 1997-يىلى غۇلجا ۋەقەسىدىن كېيىن ياپونىيىدە قېلىپ مىللىي دەۋا ئۈچۈن خىزمەت قىلىشقا باشلىغان.
ئۇنىڭ ئۆز كەسپى بولغان يېزا ئىگىلىك پەنلىرىدىن باشقا ئۇيغۇر مەسىلىسى ھەققىدىمۇ كۆپ ساندا ماقالىسى ياپونىيىدىكى ژۇرناللاردا ئېلان قىلىنغان بولۇپ، ئۇ كېيىنكى يىللاردا http://twitter.Com ۋە http://www.Facebook.Com/ ئارقىلىق شەرقىي تۈركىستان دەۋاسىنى ئاڭلاتماقتا. ئىجتىمائىي مەتبۇئاتلاردا ئۇنىڭ 9000 ئەتراپىدا ئەگەشكۈچىسى بار بولۇپ، ھەر كۈن دېگۈدەك ئۇيغۇرلار ھەققىدە ماقالە يېزىپ تۇرىدىكەن.